LUNA
WHEN Reagan moved closer, tumigil ang lahat sa akin. Langhap ko ang mabangong hininga niya na ilang araw ko ring hindi nalanghap. Mainit iyon at masarap sa pakiramdam. Parang mapupugto ang hininga ko nang sa wakas ay maramdaman kong lumapat ang maiinit niyang labi sa uhaw na uhaw kong bibig na tila labi lamang niya ang makadidilig. Katulad ko ay sabik na sabik ito sa paghalik sa akin at nararamdaman kong palalim ng palalim ang halik niya.
"Miss na miss kita, Sweetheart. Hindi mo alam kung anong pakiusap ang ginawa ko kay Ricky para makagawa siya ng paraan at mas mapaaga ang pag-uwi ko dahil gustung-gusto na kitang makasama," anas nito sa pagitan ng paghalik sa buo kong mukha.
"Talaga?" Ikinawit ko ang mga braso sa leeg niya at tiningnan ko siya sa mapupungay na mga mata.
"Yes.
