LUNA
AYOKO sanang naglalaba tuwing Linggo pero sayang din naman kung tatanggihan ko ang laba sa araw na ito. Maagang maaga kasi akong pinuntahan ni Mang Damian kanina sa bahay at sinabing ipaglaba ko raw ang boss nito. Syempre pumayag ako. Malaki kayang mag-upa ang Reagan na iyon. Tatlong libo lagi ang natatanggap kong upa sa ilang beses kong paglalaba sa kanya. Kaya naman pinagbubuti ko talaga. Mahirap na. Baka palitan ako at kumuha ito ng iba ay sayang naman. Kahit paano ay nakakapagtabi ako ng kaunti mula sa mga upang nakukuha ko rito, e. Hindi na rin nag-uulam ng tig-pisong sitsirya sina Konor at Nene dahil maayos ayos na ang kita ko ngayon. Kaya sinisiguro ko talagang malinis at mabango ang mga damit nito bago ko isampay. At kagaya dati, lahat ng iyon ay mababango rin naman bago ko l
