LUNA
Bakas ang galit sa mukha nito habang nakatingin sa akin pero pinilit kong labanan ang tingin niyang iyon. Gusto kong ipaalam sa kanya na kahit mahirap lang kami ay kaya naming tumayo sa sariling paa na hindi umaasa o nanlilimos ng tulong mula sa ibang tao. Wala akong pakialam kung iba ang maging dating noon sa kanya. Baka isipin kasi nito na porke nawala ako sa Divi Mart ay hindi na namin kayang kumain ng tatlong beses sa isang araw.
"Okay. Good day, Miss Guevarra. I think I have to go," sa wakas ay sabi nito matapos ang mahabang katahimikan.
"Sa tingin ko rin, Mr. De Alba," kunwa'y buong tamis akong ngumiti at nagpatiuna sa pintuan saka ko iyon binuksan ng maluwang. Napilitan tuloy itong tumayo kaagad.
Sa labas ay nakita kong dinaanan nito si Papa sa gulayan at waring nagpaala
