WALA akong nagawa kung hindi sumama. Nagbilin ako kay Aling Teresa na kapag dumating si Papa ay sabihin kung nasaan kami para hindi ito mag-alala. Ang mga miron sa kapitbahay namin ay kandahaba ang leeg at kung tingnan kami habang papalabas ay tila ba may ginawa kaming masama. Alam ko na ang nasa isip nila. Pineperahan namin si Reagan. Ganito naman kasi ang mga tao dito sa sitio namin. Mga tsismosa at marurumi ang isip. Kaya nga kung ako ang masusunod ay gusto ko talagang umalis dito, e. Hindi kaya sila nakatutulong sa ekonomiya. Maagang-maaga pa ay buhay ng may buhay ang pinag-uusapan habang magkaka-umpok. Napapailing na nga lang ako kung minsan, e. Ako na kayod ng kayod para magtrabaho pero kinakapos pa rin. Samantalang sila na kaysarap ng buhay at walang ginawa kung hindi tanggalan ng p
