GANAP na alas sais ng gabi kinabukasan ay nasa bahay na kami nina Mr. Lee, ang may-ari ng Pawnshop na pinapasukan ko. Nagulat ako dahil ang sinabi nitong simpleng party ay engrande pala. Maraming bisita sa loob at marami-rami rin akong nakitang intsik na gaya nito. Sa tingin ko ay mayayaman ang lahat ng mga naroon base sa hitsura at pananamit ng mga ito, idagdag pa ang mga nag-gagandahang mamahaling sasakyan na nakahilerang nakaparada sa labas. Dahil ngayon lamang kami pare-parehong nakadalo sa ganitong klaseng pagtitipon, hindi namin alam kung saan kami pupunta. Mabuti na lamang at nagkalat ang ilang party staff at itinuro sa amin kung nasaan ang bulwagan.
Nakarating kami sa isang malawak na solar sa gitna bakuran. Gayak na gayak ang bahaging iyon at may mga iba't ibang ilaw pa na nagsi
