"KAIBIGAN mo si Mr. Lee?" tanong ko rito nang nasa sasakyan na niya kami pauwi. Kahit ano'ng gawin kong pagtanggi ay hindi siya pumayag na hindi ako sumabay sa kanya at mag-abang na lamang ng jeep sa gilid ng highway. Ang ending tuloy ay hinila niya ako papunta sa parking lot kung nasaan ang kotse nito. Pinagbuksan ng pinto at hinintay na makaupo para muling isara iyon.
"Well, hindi naman masasabing kaibigan ko siya talaga. Let's just say, nasa iisang sirkulo kami ni Mr. Lee kaya naimbitahan din ako rito, Luna." Gusto ko sanang sabihin na bakit hindi niya nasabi kahapon noong nagpapaalam ako kay Papa na pupunta rin siya rito pero nakahiyaan ko naman. Baka sabihin pa niyang hindi naman niya obligasyon na ipaalam sa akin ang mga nakatakda niyang gawin. Isa pa'y lalabas naman akong feeling
