"REAGAN?" Bigla ay bumaha ng liwanag sa paligid. Napapihit akong muli. Nakita kong sa harap ng sofa ay naroon ang dalawang boteng basyo ng alak na pareho ng walang laman. At sa likod nito ay nakaupo ang lalaki.
"U-Umiinom ka?" Nag-aalala kong tanong nang ganap nang makabawi sa pagkabigla.
"Paanong hindi ako iinom, e, hindi ko alam kung nasaan ka na. Pinuntahan kita sa inyo pero wala ka naman doon. Now tell me, saan ka ba galing at kasama mo ang Oliver na 'yun, e, gabing gabi na?" Bagaman hindi ito sumisigaw ay nasa tono naman nito ang diin sa mga sinasabi. Nag-alala ako dahil nakita na naman nito si Oliver.
"B-Birthday ni Oliver. Tinatawagan kita kanina pero cannot be reached ang phone mo. Pasensiya ka na." Nanatili itong nakaupo habang nakatingala sa akin. Maya-maya ay bumalatay sa
