NASA kalagitnaan kami ng biyahe pauwi nang tumunog ang cellphone ni Reagan. Ikinabit nito ang headset sa tainga at saka sinagot iyon.
"Hello? wika nito. "Oh yeah!" Nakikinig lang ito sa nasa kabilang linya. Kahit pa pasulyap-sulyap lang ako sa may gawi niya, lihim akong nababahala dahil nakikita ko ang pagngangalit ng bagang nito habang nakikipag-usap.
"Damn you!" pagtatapos nito saka padaskol na inalis ang headset sa tainga.
"A-Ano'ng sabi niya?'
"Nino?" bahagya pang mataas ang tono nito nang tugunin ako.
"Ni Stella. Sigurado akong siya ang kausap mo."
"Luna---"
"Asawa mo pa rin ako, Reagan. Kahit pa nga ba ang kasal na 'yun, e, kasunduan lang natin. Alam ko ang lahat ng dahilan mo, so, bakit hindi mo sabihin sa akin kung ano na naman ang pinagsasabi sa 'yo ng babaeng 'yon at
