"BABE, sigurado ka bang okay lang 'to?" Mula sa malaking salamin ng kwarto namin ay sinisipat sipat ko ang sarili habang suot ang pinaka-eleganteng damit na dala-dala ko. Papasok kasi sa opisina nito sa Makati si Reagan at gusto nitong isama ako para pormal na rin daw ipakilala sa mga empleyado roon.
"Sweetheart, sinabi ko naman sa 'yo na kahit ano ang isuot mo ay okay lang. Ikaw pa rin ang pinakamaganda sa lahat. Kaya tigilan mo na 'yang kaiikot mo diyan sa salamin dahil nahihilo na ako sa 'yo." Tumatawa ito kaya naman sa tingin ko ay ikinatutuwa pa niya ang nakikitang stress sa mukha ko. Gusto ko lang namang kahit paano ay hindi kami magmukhang alangan sa mata ng mga empleyado nito pero sa halip na magbigay ng komento ay pinagtatawanan pa ako nito.
"Hmmp! Binobola mo pa ako!" Umalis
