"TOTOO ba 'yan?" nakataas ang isang kilay ng baklang reporter sa inilahad na iyon ni Stella.
"For God's sake, Misty, magpapatawag pa ba naman ako ng presscon kung mag-i-imbento lang ako ng sasabihin?" OA na napamulagat pa ang mga mata ni Stella.
"So, bakit mo sinasabi 'yan? Hindi ba nagmumukha kang nag-sa-sour graping dahil nagpakasal na si Reagan De Alba at naiwan kang luhaan sa isang tabi? Isa pa, hindi lang naman ito ang unang beses na nagpa-presscon ka at pareho lang naman ang inihahayag mo," sabi naman ng isa pang reporter na babae.
"Of course not! I have a new boyfriend now at soon ay ipakikilala ko rin siya sa inyo. Baka nga kaya siya nagmadaling magpakasal ay para ipamukha sa akin na hindi lang ako ang babae at kahit makipagkalas siya sa akin ay kaya niya akong palitan kahit
