"S-SIGURADONG magugustuhan din n-nung mapapangasawa mo ang l-lugar na ito. Maganda saka tahimik. Walang masyadong tao hindi katulad sa lugar namin." Gusto ko sanang sabihin na tsismosa ang mga tao sa sitio namin pero hindi ko na idinugtong.
"Pero ikaw ang asawa ko, Luna. At natutuwa talaga ako na gusto mo rito." Ramdam ko ang hininga niyang tumatama na ngayon sa aking batok dahil ang mahaba kong buhok ay nakahawi sa isang gilid ng balikat ko. Parang gusto kong maihi sa kilig. Parang hinaplos ang puso ko nang sabihin niyang ako ang asawa niya. Dahan-dahan akong humarap at ganoon na lang ang gulat ko nang mapagtanto kong wala ng isang dangkal ang pagitan ng mga mukha namin. Napatingala ako sa kanya dahil halos ay hanggang balikat lamang niya ako dahil likas na malaking lalaki ito.
"P-per
