HEATHER’S POV:
‘Oh no!’
Mabilis akong umalis sa pagkakasandal sa matigas na braso ni Hizura ng marinig ang boses nitong si V.
Napaayos pa ako ng tayo at saka siya tiningnan ng nakataas ang aking kilay. Napangiti naman siya sa nakita niya sa aking mukha.
“Label? Tubig ba kami?” Nagtatakang tanong ko sabay turo pa sa aming dalawa ni Kutong Lupa.
Natatawa namang umiling itong lalaki. Lumapit pa siya sa aming direksyon at hahawakan na sana ako sa aking kaliwang balikat nang may umextra sa aming harapan.
“Anong ginagawa mo rito? Tapos na ang trabaho mo, am I right?” Walang emosyon na tanong nito sa kaibigan na napanguso na lang.
“Grabe ka naman. Makikipag-usap lang naman ako kay Heather ‘e.”
Ako? Bakit naman ako madadamay r‘yan?
‘Ay oo nga pala! Gustong makipagkwentuhan sa akin ni V.
