Halos araw-araw ay ganoon ang naging sitwasyon ng pamilya nila. Hindi na rin naman napagtuunan ni Meenah ng pansin ang lumalalang problema sa bahay nila. Ang mahalaga sa kanya ay kumpleto pa rin sila sa kabila ng kapintasan sa pamilya nila. Sino ba naman ang ayaw na buo ang pamilya? Hindi ba wala? Sa tuwing gigising siya sa umaga ay eksaktong maliligo na siya. Para naman hindi na siya gaanong magtagal pa sa bahay na iyon.
Bihira na rin niyang makita ang kapatid sa bahay pero nagpapadala pa rin siya sa account na binigay niya nito para sa allowance. Araw-araw ay naaabutan niyang galing sa kwarto ng ina ang kalaguyo nito. Bihira na ito magsugal at laging blooming. Pero hindi dahil sa ama niya kung hindi ay dahil sa lalaking gabi-gabi ay nasa bahay nila. Nadestino kasi ang papa niya sa malay
