Chapter 59
SIENNA
HINDI pa rin makapaniwala si Lorena.
Paulit-ulit niyang tinitingnan ang hawak niyang mga papel. 'Yung cheque. 'Yung clean title ng condo. 'Yung rehistro ng sasakyan. Nanginginig ang mga daliri niya habang hinahaplos ang pirma ko sa ibaba.
“Señyorita…” mahina niyang tawag, parang natatakot magkamali. “Para… para po ba talaga sa amin ito?”
Tumango ako. Diretso ang tingin ko sa kanya kahit ang dibdib ko parang sinasakal.
“Sa inyo ‘yan, Lorena. Lahat.”
“B-bente milyon, Señyorita…” napalunok siya. “Condo… sasakyan… Diyos ko po.”
Hinawakan ko ang kamay niya para tumigil siya sa pagbilang ng halaga. “Pwede na kayong umalis dito. Lumayo. Mag-umpisa ulit. Hindi na kayo kailangang yumuko sa kahit kanino.”
Biglang namuo ang luha sa mga mata niya. “Napakabuti mo talaga sa am
