Chapter 12
SIENNA
DUMATING si Romy, bitbit ang tablet at phone niya. Halatang sanay sa ganitong eksena, mabilis, tahimik, efficient. Hindi pa ako nakakahinga nang maayos nang magsalita si Uno.
“Romy,” utos niya, diretso ang boses. “Samahan mo siya mamayang ten. Sa shopping mall, alam mo na kung saan. I have a board meeting at nine. Hindi ko alam kung anong oras matatapos.”
“Yes, boss,” agad na sagot ni Romy, may pangiti–ngiti sa akin.
Tatalikod na sana si Uno para umalis pero may naalala ako.
“Yung anak ko…” Basag ang boses ko. “Nasaan si Dray?”
Huminto siya. Dahan-dahang humarap sa akin si Uno, walang emosyon sa mukha.
“Nasa ate mo,” sagot niya. “Maayos ang kalagayan niya. Wala kang dapat ipag-alala.” Saglit siyang tumingin sa phone niya bago muling magsalita. “I’ll make sure lah
