خفايا الحب ....2

1062 Words

خفايا الحب #part2 __________________________________ _ مشي" زياد "للحارس وبدأ في طرح الاسئله .. زياد" بتعب": السلام عليكم الحارس" بحزن": وعليكم السلام استاذ زياد وعظم الله اجرك زياد : اجرنا واجرك على الله توا نبيك تركز معايا الحارس: شن في زياد" بجديه": من الى خش للمخزن في ليل الحارس: المرحوم محمود زياد : بروحه؟ الحارس: اها بروحه خش وكان شكله مضايق زياد" بتفكير": تمام ربي يعطيك الصحه _ طلع" زياد "وهوا شايل الهم وخش قعمز في الخيمه بيش يأخذ عزاء خوه الكبير وسنده? ______________________ "تسريع الاحداث "،"بعد مرور 3ايام العزاء) _الكل مقعمزين في الصاله وكل شخص شارد بفكره... ميسم" بحزن": مزلت مصدومه مش مصدقه محمود يغيب علينا 3 أيام قبل كل يوم في ليل يخش يحكيلي قصه ويغطيني ويطلع من عندي بعده عائشه" بصبر": ادعيله ربي يغفرله بس جبريل" بحزن": ربي يغفرله ويصبرنا زياد" بهدوء": يارب خلود "بفضول": نموت ونعرف ليش انتحر شن السبب هوا متريح وحالتنا الماديه مشاءالله وكان ديما يضحك وجوه سمح ويصلى كل صلاه بوقتها شن قلبه في لحظه كيف هانت عليه روحه هكي ام اشناف: نصيب خلاص معش نحكو عليه بيش تنسوه عائشه" بعصبيه": ماعمري ننساه ولدي ه يقعد الحزن مدفون في قلبي طول العمر ميسم" بِاستغراب": هوا كان يكرهك يا عمتي جبريل "بعلو صوته": اسكتي شن ه الكلام اعرفي شن اطلعي من فمك قبل ماتفتحيه ميسم" دموعها نزلن": مقلتش شيء غلط هوا يكرها لدرجه انه منتحر بِ وشاحها عائشه "بصدمه": وشاح ام اشناف؟ جبريل "بعصبيه": اسكتي قتلك انا وبطلى خرفات زياد" بتركيز": لا كلامها صاح محمود كان منتحر بوشاح امي! _ ناضت" عائشه "وتهجمت على "ام اشناف" عائشه "بدموع": حسبي الله ونعم الوكيل فيك انتِ قتلتي اولدي ام اشناف "بعياط": حولى من عليا يا مجنونه شن قتلت اولدك جبريل" بعياط": عائشه اركبي لدارك بسرعه _ شافتله "عائشه" بضعف وركبت ودموعها على خدودها خلود "بصدمه": ماما ليش تقتليه ليش جبريل" بحزم": مفش منها الدوه هذ والوشاح مش سبب او تهمه اتوجه ل ام اشناف وهيا مقتلتش حد ونسمع حرف في الموضوع هضا مش ه يصيرلكم خير وانسوه وكل واحد يمشي لِ داره وانت يا زياد على جناحك وارقد بكرا بتنوض بدري تستقبل الناس الى جاينن من اجدابيا هيا الكل "بخوف": حاضر _ ركبو كل واحد لِداره وخذاه "جبريل "مراته وخشو لدارهم ام اشناف" بدموع": مش مصدقه حتى عويلي اتهموني جبريل: اسس بطلى ابكاء ومتعدلش على حد ام اشناف : انا نفسيتي تعبت نبي نسافر دير حل جبريل : حاضر غير يمر شهرين بس على موتت محمود وحاضر ام اشناف: ياريت تستعجل لان فديت منهم راه جبريل: ان شاءالله تعالى ريحي اعظامك وتريحي وارقدي ام اشناف: نبي نخش اندوش ن*دى أعصابي ونرقد ارقد انت جبريل : ليلتك سعيده ام اشناف" من دون مبلاه": وليلتك ____________________________ *انضمو لقروبي الخاص اسمه? • منى المجبري(روايات ليبية). ___________________________ ميسم... ركبت للدار وبكيت لين اعيوني انتفخن بعدها نضت توضيت وصليت بس ماحستش بِ راحه وطلعت من داري ومشيت لِجناح زياد خبطت الباب وفتحلي وكان واضح على وجهه الضيق زياد "بِاستغراب"ميسم؟ ميسم : اسفه كان مش فاضي نمشي زياد" بضحكه موجوعه": ههههه خشي وبطلى رسميه وهبل ميسم" بِابتسامه ": نحنا محتاجينك يا معلم وانت كريم _ خشت "ميسم "وقعمزت على الكنبهه زياد : في موضوع معين جايتيني فيه ولا لا ميسم: مش موضوع بس ضيقت قلت نجي عندك زياد : في أي وقت تحتاجيني انا موجود ميسم : ربي مايحرمني منك زي ماحرمني من محمود زعما امك قاتلته زياد" بضيق": ربي ياخذ الحق وامي مستحيل تقتل رجاء سكري الموضوع ميسم: اسفه مش قصدي نضايقك زياد : ولا يهمك ميسم" بضحكه":، انت دايريلك جناح كامل ونحنا لا يا نيالك زياد : اليوم شنو؟ ميسم" بِاستغراب":خميس! زياد : وصوابع اليد كم ميسم : خمسه زياد : وخمسه في عيونك بطلى نق ميسم" بضحكه": متخفش انا مش حسوده زياد: واضح مشاءالله ميسم" بفضول": به يا ملك جمال العالم عندي سؤال زياد: شن هوا ميسم: عمرك حبيت زياد' بجديه": نوضي امشي لدارك فتحتي دلاله معايا واجد راك ميسم "بضحكه مكتومه": بهه اسفه ليلتك سعيده زياد : وليلتك يا راديو _ طلعت" ميسم" وهيا تضحك على مزاجيت خوها مره يضحك ومره يقلب ، تريحت لما حكت معاه وخشت رقدت ______________________ زياد.... تن*دت بغصه وطلعت الشيء الى يطلع فيا من اهمومي واحزاني وياخذني لعالم ثاني(الحشيش) ومنستش الصوره الى خلتني نمشي في الطريق هذهِ ونتحول من شخص بريئه لشخص يشبه الح*****ت مهمش ومعندش مشاعر شايف الكل عدوي ،مسكت الصوره وحضنتها وخذيت حشيش وخشيت في عالمي الخاص?? ____________________ "ثاني يوم في الصبح" _ ناضت" ميسم" ووجهه معبي ادموع فتحت عيونها بخوف . ميسم : محمود محمود مش متريح في حاجه غريبه . _ ناضت من السرير وغسلت وجهها وتوضت وصلت ونزلت وهيا مش متريحه . ميسم: صباح الخير خلود : صباح الورد عائشه: صباح الخير ميسم : امك وين وبابا خلود : نوم مزالو عائشه: تعالى كولى توست واشربي حليب رايحه ضاعفه بكل راه ميسم" بتنهيده": حاضر عائشه "بخوف"كنك شن في جوك مش تمام ميسم : حلمت بِمحمود الله يرحمه عائشه بلهفه: شن حلمتي ميسم "بخوف": يبكي ولا بس اسود وفي لفعه وراه ومادلى يده عائشه" بصدمه": محمود يبيك تنقذيه من شن تنقذيه هوا عند ربي اصلا ميسم" بتنهيده": مش عارفه عائشه" بشك": يصير خير ______?روايات منى عبد الناصر المجبري?______ _زياد.... فتحت اعيوني ومشيت ونا ندعدع للحمام ومزال ثاثير السم فيا غسلت وجي كم مره وفتحت الدوش أميه مصقعهه ك العاده وخشيت تحته، دوشت وطلعت لبست دبشي وبخيت برفاني ودرت جل ل شعري ونزلت ..... زياد : صباح الخير عائشه+ميسم+خلود: صباح الورد زياد : فطرتو عائشه: اها الحمدالله قعمز توا يجبولك تفطر زياد : لا مستعجل الناس على وصول باتي وين؟ عائشه" بغصه": مزال راقد زياد : خلود بعد ينوض خليه يطلعلي خلود : حاضر . _ خذاه" زياد "مفتاحه من على الطاوله وطلع، وركبت عائشه لدارها لبست ونزلت . ميسم "بِاستغراب": ماما وين ماشيه على الصبح عائشه : صاحبتي كلمتني تبيني ضروري ميسم: رد بالك على روحك كان هضا نمشي معاك عائشه: لالا خليك مرات يجي حد يعزي مش ه نطول في حفظ الله _ طلعت عائشه وحاطه في عقلها مكان واحد? _____________________ جبريل : صباح الخير البنات: صباح الخير خلود: بابا راه زياد يبيك جبريل: طلع هوا خلود : اها ميسم: قعمز افطر جبريل: لا مستعجل وخذتني نومه هي سلام _وطلع "جبريل " ميسم: كنهم الى نقوله افطر يطلع مش فاضي ام اشناف" من وراها": اهو انا فاضيه جيبيلي الفطور خلود" بصدمه": قعمزي يا ماما توا تجيبه لك رانسيا(الخدامه) ام اشناف" بِاصرار" لا نبي ميسم تجيبه ليا واديره ميسم "بعصبيه": لا معلش مش فاضيه راكبه نكمل عقاب نومي _ ركبت "ميسم" وخبطت ام اشناف الطاوله بيدها بعصبيه☄? _____________________ عائشه.... خشيت للمركز ونا متوتره وخايفه بس مش ه نسيب حق اولدي ونعيش مع يالي قاتلته فتحت محظر وطلعت ونا متريحهه?? ______________________ يتبع.... بقلم:#منى_المجبري

Free reading for new users

Scan code to download app

App Store Google Play

Facebookexpand_more