خفايا الحب

خفايا الحب #بقلم:#منى_عبدالناصر_المجبري #PART1 (تفاعلوا) __________________ _ زياد... سمعت صوت في المخزن والغريب أن الساعه 4 في الليل والكل متعود يرقد إلا انا بما ان وأخذ اجازه من العمل ومعندش جامعه،سكرت التلفزيون وطلعت للمخزن من باب المطبخ الخارجي لقيت المخزن مفتوح وفي اضاءة خفيفه ، ارتبكت وشكيت انه سراق خذيت الحديده الى على الارض وسميت الله وخشيت ونا نسحب? (زياد مواليد 1988 متوسط في الطول وملامحهه حاده ونقشه على الأسمر وشعره اسود وهوا الولد الاول لِجبريل من مراته الثانيه ويعتبر الولد الثاني في العايله ويخدم دكتور جراحه ) _______________________ انضمو ل قروبي منى المجبري(روايات ليبية) ____________________ _في نفس الفيلا بس في الدور الثاني فتحت "ميسم" عيونها من النوم ودموعها ينزلن ونفسها يريح بكت لين هدت شويا . ميسم "بخوف": بسم الله بسم الله يا رب شن ه الحلم يارب مايصير شكلى كثرت في الوكال امس قبل مانرقد انوض انصلى ركعتين بالك انتريح . _ ناضت "ميسم " خشت للحمام" يكرم القارئ" توضت وطلعت بس اذكرت حاجه ميسم: اففف نسيت ان محرمه الصلاه والصلايه لوطه في الصاله ننزل نجيبهن وخلاص . (ميسم مواليد2000 قصيره في الطول وملامحها طفوليه وشعرها اقصير تشبه الصنينن ملامحها قريبه منهم لدرجهه غريبه هيا البنت الاولى لجابر من مراته الأولى ) _ميسم.. نزلت قربت من الصاله نبي ناخذ الصلاية والمحرمه بس لفتني صوت هرجه وباب المطبخ مفتوح طلعت ونا قاتلني الفضول لقيت المخزن مفتوح وهرجهه قربت مننهه وقفت في مكاني من الصدمه ?سمعت كلام معش قدرت نمشي خشيت للمخزن ونا نزحف ونبكي وندعي يكون الى سمعته غلط ________________________ _ جبريل ... نضت نبي نصلي الفجر شفت جنبي مالقتش ام اشناف استغربت قبل ترقد من واحد ماتنوض إلا ثاني يوم الظهر نضت من مكاني وطلعت ندور عليها (جبريل مواليد 1968طويل وعريض ملامحهه حاده ونقشه على الأسمر ورغم كبر سنه إلا أنه مزال وسيم ،متزوج اثنين وعنده بنات واولاد) _____________منى المجبري ______________ _ زياد ... خشيت للمخزن ونا نشوف يمين ويسار وفجأه شفت شخص مطوح قلبي وقف قربت بخوف ولقيته خويا خويااااا محمود ،محمود منتحر نزلن دموعي بحرقه . زياد" بدموع ": لا ياربي لا علييششش محمودد رد عليا عليش ياوخيي شن ناقصك عليش تغضب ربي وتموت بالطريقه هذ نوض نوض واعره ظهري ان**ر ان*ديت ان*ديت ياربي . _ التفت" زياد" وشاف" ميسم" وراه مقعمزه على الارض وتبكي بصوت مكتوم. زياد" بدموع": العاقل فينا انتحر وخيي مات ابكي على صوتك ميسم" بهمس": م مش قادره لا لا مامتش هوا يبصر داير مقلب اها متاكده واحد من مقالبهه _ ميسم ... حسيت بضياع خويا ولد امي وبوي مطوح قدامي وملامحح وجهه زرقه وباين ان مافيش حياة وان ميت وعيونه مفتوحات ووشاح على رقبته بس قويه صدمتي اكبر من طاقتي قرب مني زياد وخضني بقوه وبعدها حضني وقعدنا نبكو وكل شويا صوتي يزيد لين قعدت نعيط وبديت انتقبل الي صار ، فجأه حسيت بحد فكنا من بعضناا وكانت مرأة بابا ام فناش ام افناش" بدموع" : نوضو البكاء مش ه يرده وربي يصبركم زياد" بدموع": خويا يا امي ظهري انقسم نصين ليش يدير هكي ليش ام افناش" بثقه" : إيمانه ضعيف ومن يومه غريب الاطوار و.. جبريل" بصدمه ودموع": محمود كنه ولدي كنههه نوض محمود _ نزل" جبريل" على ركبيه وحضن "محمود" وقعد يواعي فيه بس مفش فايده بكاء لين شبع وبعدها اقتنع بوفاة اولده الكبير واول فرحته?وشد حيله وناض. جبريل" بحسم": توا كل واحد ينوض ام افناش ومييسم ه تخشن للفيلا اما زياد ه نفكو خوك ونطلعو بيه على المستشفي ومنبش حد يعرف أن مات منتحر ه نقولو خبطه الضى وهوا على السطاح مفهوم الكل" بخوف": مفهوم _ تنفد كلام" جبريل" بالحرف الواحد وطلعو من المخزن بس الكل كان مش فاطن لحاجه من قوة الصدمه .... (ام اشناف مواليد 1964 الزوجة الثانية لِجبريل وام زياد وخلود ) _________________________ _في مكان ثاني يبعد شارعين على الفيلا الخاصة بِجبريل وعائلته ، فتحت" نهاد" اعيونها وقعدت تبكي بصمت زي العاده، قلبها والعه فيه نار ومش ه تطفه غير برجوع بنتها لحضنها ? ناصر" بتنهيده": مش ه توقفي ابكاء كل يوم نفس القصه من 22سنه ونحنا نفس الحال نهاد" بحرقه" : شن ندير نار في قلبي مابتش تطفي ومش ه تطفي إلا بشوفتها واعره والله ماحد حاس بيا ناصر "بغصه": انا حاس وممكن ناري اكثررمنك انتِ على الاقل قادره تبكي وتشكي بس انا ساكت بغصتي شن تحسابي عادي مش معدل انا كل يوم نموت الف مره لا وكالى اوكال لا نومي نوم كل مانحط القمه في فمي نقول زعما هيا لاقيه اللقمه هذ ولالا اول مانغمض اعيوني نفكر هل عندها مكان ترقد فيه ولالا هل هيا حيه ولا ميته بس لازم نصبرو وننسو عشان سيلين نهاد: الى مصبرتني سيلين? _ قطع حديثهم صوت رن تلفون "ناصر" خذاه وقلبه وجعه نهاد" بخوف": من الى يرن في ه الوقت ناصر "بخوف": ميسم بنت اختي عائشه نهاد : خير ان شاءالله رد شوفها ناصر: ان شاءالله _ ناصر.. فتحت الخط ووصلني صوت ميسم وهيا تبكي وكل الى فهمته من كلامها ان ولد اختي محمود مات ألقيت روحي تلقائيا نبكي وطالع بالتوته وورايا نهاد الى حطت عباته بِاستعجال ودموعها ينزلن وطلعنا...? __________ منى المجبري _____________ _ ميسم.. ناضت ماما على إثر صوت العياط شافتلنا بضياع ومرت بعيونها على العيله كلها سالتني بخوف وين محمود وجاوبت بأن مات ، داخت من هول الصدمه وبخيناها بِ أميه وناضت قعدت تبكي زي اي ام فقدت فلذت كبدها ? وقعدو كل شويا خش علينا حد يعزي فينا . عائشه بعياط: ياقهرتي فيك ياقهرتي فيك ياريت انا ولا هوا نهاد" بدموع" : هضا عمره وحدي الله وحدي الله خلود" بعياط" : ياروحي مزال صغير كان يقول لما يلقاني في المطبخ توا نجيبلك وليه تساعدك ياناعليا ياوخيي الحنون . _ ناضت "ام اشناف" من مكانها بكل برود وقربت على "خلود" بنتها وخذتها وخشت بيها للمطبخ . خلود" ودموعها ينزلن": ماما كنك شن في ام اشناف: اسمعي بطلى ابكاء راه تصيرلكك شيء حاجه محد ه ينفعك خلود" بصدمه": ماما مش معقوله راه خويا الى ميت ام اشناف: ماقلنا شيء وعارفته خوك الى ميت بس حتى كان هضا عمره ومش معقوله تصير لِبنتي حاجه ونا نتف*ج وساكته خلاص هدى روحك وادعيله بالرحمه خلود "بِاقتناع" ان شاءالله حاضر . _ وطلعن من المطبخ وكل وحده ردت لمكانها ?.و ___________________________ زياد" بصبر": ربي يصبرنا ويغفرله جبريل" بغصه": ان شاءالله زياد: مسالتش الحارس مشفش حد خش للمخزن غير المرحوم؟ جبريل "بضياع" : لالا زياد : تمام ه نشوفه انا ، شن درت مع جماعه البحث جبريل : قالو ان بِيحققو في القضيه بس قلتلهم مش محتاج تحقيق لقينه مشنق روحه وفكيناه وجبناه للثلاجه وسكرت القضيه زياد : اها بس كان خليتهم يحققو جبريل : لا بعدها نفتح العيون ويكثرن الاسئله ويعرفو الناس ان منتحر ونحنا اسمنا كبير وعائلتنا معروفه منبش شيء يشوهها زياد" بغصه": تمام طالع نشوف الحارس، وانت خليك في الخيمه استقبل الناس شويا ونجي جبريل: تمام . _ مشي زياد للحارس وبدأ في طرح الاسئله يتبع ... بقلم:منى المجبري