خفايا الحب

خفايا_الحب...10

#خفايا_الحب

#بقلم_منى_المجبري

#Part10

________________________

ايلول: ام رواد وينها؟

ميس "بتفكير": اممم مشعارفه قصدك مش ميته هيا

ايلول: من قالك ميته

ميس: نحسابها ميته لان مايحكوش عليها

ايلول : مشعارفه توا بكرا نسالو ماما

ميس: حتى هوا رأي هي يا حنه وجك خليني نتمرقد

ايلول : حتى نا ناعسه وبكرا عمل وزياد الهم لازم نرقد بيش نمسك اعصابي

ميس: هههههه حالتك صعبه تصبحي على خير

ايلول: وانتِ من اهل الخير

______________________

_ زياد ... حولت نرقد بس مقدرتش كملتها انتقلب وصورتها محفوره في عقلي نضت وفتحت الدرج وطلعت صورة انذل انسانه في الكون وولعت دخان وقعدت نطفي فيه في الصورهه وكرهيي كل يوم يزيد للبنات كلهننن? ،قطع عليا تخبيط على الباب

زياد:من

ميسم "من ورا الباب": عادي نخش

زياد " دس الصوره": خشي يا ميسم

_ فتحت" ميسم "الباب وخشت وقعمزت على الكنبهه

ميسم: قتلك نبي نمشي للبنات الى عند عمي خالد

زياد "بخبث": امشي وخوذي خلود تغير جو

ميسم "بفرحه": إن شاءالله بكرا نمشيلهم

زياد : احم ومتنسيش الموضوع الى قتلك عليه

ميسم" بدون مبلاه": حاضر تصبح على خير

زياد : وانتِ من اهل الخير

_ طلعت "ميسم "وابتسم" زياد "بكرهه وغمض اعيونه واستسلم للنوم

___________________________

"ثاني يوم "

_ فتحت" ميسم " اعيونها ومشي عقلها ل رواد وصوته وضحكتهه ابتسمت وناضت خشت " يكرم القارئ" وطلعت نزلت للمطبخ

ميسم : صباحو ورد

خلود: باح العسلل تعالي افطري

ميسم : اممم بعدك جعانه مديلي التوست من جنبك

خلود: هاكي ياحنه غير را تسمني اخره يا بطه هههههه

ميسم: واحلى بطه ?

خلود"بتعزيق كلام" : رايق الحلو اليوم طبعآ مش منه

ميسم : خلوددد ريحينا

خلود:??

ميسم: خليني انوض نواعي زياد غريبة طول في النوم وهوا عنده شغل

خلود: اي امشي وخليني نكمل فطوري دوتك واجده يا بطه

ميسم "ناضت من على الطاول": صبرني ياربب

_ وطلعت" ميسم" وسيبت" خلود" تاكل

______________________________

_زياد... فتحت اعيوني على صوت تخبيط الباب وقدرتش انتحرك من سريري وحاس روحي ساخن

ميسم "بخوف": عادي نخش

زياد" بتعب": خشي

_فتحيه "ميسم "الباب وخافت على" زياد" الى واضح عليه التعب

ميسم "وهيا تلمس في راسه": يا روحي ساخن بكل

زياد" بتعب": توا نوض نغسل وجي ونقعد كويس طلعيلي البدله بس من الدولاب

ميسم: اسسس بلاش اعناد قاعد تغلى راك خليني انديرلك كمادات ومش ضروري الشغل امشي بكرا

زياد " بعناد ويحاول ينوض": لا لا توا ن..

_رد قعمز على السرير ومقدرش اينوض من ارتفاع حرارة جسمه?

ميسم "بحزن": تريح توا وبكرا امشي الدنيا مش طايره

زياد "وجت صورة ايلول في عقله" : ان شاءالله

ميسم : ننزل نجيب كمدات ونجي ماتنوضش من مكانك

زياد: به

_ نزلت" ميسم " جابت الكمدات وهيا راده قابلتها "ام اشناف"

ام اشناف: خير ان شاءالله على وين بهل الكمدات

ميسم" بهدوء" زياد حرارته مرتفعه بنركب نديرله كمدات

ام اشناف" بخوف" حي عليا ولدي كله منك اكيده بتقتليه

_ميسم.... صدمتني كلمتها وتفكيرها فيه قعدت مصبيه وفاتحه اعيوني على وسعهن بعد كلمتها دفتني وركبت ل زياد ، تعوذت من الشيطان ولحقتها ولقيتها تقنع فيه يمشي للمستشفي

ام اشناف : لازم تمشي للمستشفي ولا تبي تموت

زياد" بتعب": امي لو سمحتي خلي ميسم اديرلي كمدات وتوا شويا ونصحصح نعرف روحي انا

ام اشناف "بدموع": تصيرلك حاجه نموت

زياد" بحب": بعيد السو عليك يالغاليه عدي افطري وماتشغلش بالك توا شويا ونصحصح

ام اشناف"وجهت كلامها لميسم": رد بالك عليه يا ميسم واقري قرأن بالك يتريح

ميسم "بهدوء": حاضر

_ نزلت" ام اشناف" ودموعها على خدها، وقعمزت "ميسم" جنب زياد ودارتلهه كمدات وقرت عليه المعوذات?

________________________________

_رواد... فتحت اعيوني وجت صورة ميس بين اعيوني نضت من سريري خشيت للحمام دوشت و توضيت وطلعت صليت الى فاتني و لبست بدلة العمل ونزلت دقيت على جناح البنات

ميس" بنعاس": ممن

رواد : رواد يا دايخهه?

ميس" برفعه حاجب": نننن النوم مخلنيش نركز شن تبي يا استاذ رواد

رواد : نسأل عليك شن دايره بعد الحرق

ميس: تسال عليك العافيه كويسه الحمدالله

رواد : تمام متانسيش المرهم بس

ميس" بحب": به

رواد "بضحكه" : اسمها ان شاءالله

ميس: روادددد وجك نبي نتمرقد

رواد:? به غير قولي ل ايلول تخف روحها بيش تمشي معانا بالمره جو حمو برا خير ماتمشي كعابي

_التفتت" ميس" على ايلول وضحكت على منظرها راقده زي الميته واذكرت ان امس تعبت معاها وطولت مارقدت

رواد : اووي تسمعي فيا

ميس: به بطل سكنان توا انوضها شوي وتجيكم

رواد: تمام سلام

ميس: ايلول لولى لوليتا

ايلول" بنعاس": اممم شن تبي

ميس: نوضي يا بقرتي الجميلهه وقت على العمل

_ سمعت" ايلول " العمل نطت وطاحت من السرير "وميس " بتموت من الضحك على شكلها

ايلول : ايييي يدي

ميس: هههههه خوافه لدرجه هذ تخافي من زياد

ايلول : كرههه مش خوف

ميس : ههههههه واضح واضح ان خوف

ايلول: شن قصدك

ميس "بنظره بريئه": شيء بقرتي شيء غير نوضي لحقي عليهم بسرعة

ايلول: صح صح توا يتأخرو بسببي

_ دوشت" ايلول" وكانت مصليه الصلاوات في وقتهن? ولبست وطلعت مع" رواد ومنيب" للعمل اما" ميس " ردت ارقدت

_____________________________

_انضمو لقروبي الخاص✍

منى المجبري(روايات ليبية)✍?❤

_____________________________

"بعد مرور 3 ساعات"

_ خش" رواد " لمكتب" زياد" وفي يده طبق بيتزا

رواد : ايلول

ايلول"وهيا تشوف للاوراق": نعم

رواد : تعالي تغدي معانا

ايلول: لا صحه الشغل عرممم

رواد : هوا انتِ فاهمه حاجه من ه الملفات الى قدامك

ايلول" بِابتسامه": اداره الأعمال موهبه بالنسبهه ليا

رواد : ههههه به نمشو ناكلو وخليك مع ملفاتك واوراقك ايته الفتاة الورقيه

ايلول:???

_ طلع "رواد" وفي يده البيتزا ومشى" لمنيب"

منيب"وفمه معبي": اهه لنقنها بيتزا طيبه

رواد : ههههههه راه تشرق يا راجل

منيب: ماعليك فيا نشرق فدا البيتزا

رواد : به به كملت شغل

منيب: اها ولانقني بنروح تاعب

رواد : هي حتى نا بنروح

منيب : ضبح ل ايلول معندش جهد نعلى صوتي?

رواد : ايلول يا ايلول

ايلول"ناضت من قدام الملفات وطلعت": نعم

رواد : هي سكري ملفاتك واطلعي طالعين راه

ايلول" بتعب": لا انا ه نقعد لين نكمل الشغل قاعد معرم وخايفه زياد يتعصب عليا لو جاء ولقاه هكي

منيب: وعليش غايب المستهتر

رواد "بعصبيه": منيب مانسمحلكش معروف ان زياد مسؤول ممتاز لكن اكيد صايرله ظرف لان تلفونه مقفل

منيب: نركب عليك يا راجل

ايلول "بخوف" : لو سمعت حاجه عليه قولي

رواد : تمام بس متاكده بتقعدي راه آخر وحده انتِ

ايلول : الله غالب لازم نكمل الشغل

رواد : تمام في مفتاح فوق المكتب لما تطلعي سكري بيه وخليه معاك وهي يا منيب

ايلول : تمام

منيب: هي

_ طلع" رواد ومنيب "وايلول "خشت للمكتب تكمل باقي شغلها

_____________________

تهاني: ميس يا ميس اافتحي الباب

ميس" بنعاس": افتحيه مش مسكر بمفتاح

_ فتحت" تهاني" الباب وخشت وشهقت بخوف

تهاني: يانعليا كنها كراعك

ميس : ووه كنك تعيطي عادي حرقه بسيطه

تهاني: كيف كيف حرقه بسيطه هضا كله وحرقه بسيطه من شن هضا

ميس: عادي متوجعش فيا وياما صايرلي جت ع هذ ساهله ياحنه كنت نقلى في بطاطه انكب عليا الزيت

تهاني" بلوم": مش ديما نقولك رد بالك وافطني و

ميس: خلاص يا ماما ماتسكنش عاد وتعالى بنسالك على حاجه

تهاني: خير ان شاءالله

ميس" بمرح": خير خير ميجيش من ورايا إلا الخير?

تهاني: خليني ساكته ايواا

ميس: هههههه ع المهم توا مرات عمي خالد ام رواد وينها

تهاني : وانتِ عليش تسالى

ميس" بشك": عادي فضول

تهاني: والله شن نقولك في ناس يقولو ان مرات خالد جابت رواد واطلقت من خالد ومن والولاده عزقت رواد وسافرت برا ومفش حد من العيله شايفها و ..

_ قطع الحديث صوت "رواد" من ورا الباب

رواد : ميس كيف حالك توا

ميس "بخوف": تمام كويسه

رواد : متنسيش المرهم توا روحت من العمل قلت انمر عليك

ميس: حاضر توا نديره

رواد: سلام

ميس : سلام

_ مشى" رواد" وتن*دت "ميس "براحه ان مسمعهش وهيا تقصقص وفي نفس الوقت وجعها رواد الى ماشفش حنان الام

تهاني "بشك": شن عرفه رواد بحرقتك

ميس: هوا الي سعفني

تهاني "بخبث": خليك شاطره وطيحيه وعبيله فراغ الي مسيبته امه

ميس" بصدمه": ماما اسس مستحيل نحب حد ميحبنش خلي الراجل في حاله

تهاني: به به طالعه انا وديري مرهم كراعك

ميس" بتفكير": به

???

_____???روايات منى المجبري???_____

_ زياد .... فتحت اعيوني وحسيت بتحسن عن الصبح مديت يدي للكومدينو وخذيت تلفوني فتحته ولقيت رنتين من رواد عاودت رنيت عليه

زياد "بصوت تاعب": السلام عليكم

رواد : وعليكم السلام تي وينك ياراجل شغلتني عليك

زياد: تعبت شويا في الصبح ومقدرتش نجي

رواد : بعيد السو ان شاءالله بخير توا

زياد : ماتشوف سو الحمدالله تحسنت شن امور الشغل

رواد" بخبث": تعب والله كلهم روحو وقعدت المسكينه ايلول تكمل في شغلك وشغلها

زياد : ايلول قاعده في الشركه؟

رواد : اها سيبتها غادي

زياد : اها به ياغالي بنسكر توا نتلاقو بكرا كان سخر ربي

رواد : في امان الله

_ سكر" زياد " الخط وابتسم بمكر وناض من مكانه خش دوش وطلع غير ادبشه وصله ونزل

ميسم" بخوف": ز زياد شن نوضك من سريرك

زياد: صحيت الحمدالله

ميسم: بس مزال التعب واضح عليك كان تريحت اليوم تعال تعال نحطلك حاجه تاكلها

زياد : لا لا اموري طيبه عندي موضوع ضروري توا بعد نروح ناكل

ميسم" بحب" ربي يفتحها في وجك ، ومتنسش مشيتي شويا اخره انا وخلود

زياد : يارب ، اهو السواق برا اطلعو في اي وقت بس مطولش ع مغرب روحن

ميسم : إن شاءالله

_ طلع "زياد" وناضت "ميسم "تلبس وتقول" لخلود"

_________________________

_ ايلول.... كنت حايسه بين الملفات وبطني تزوي من الجوع وفجأه صوت حد يمشي وفتح بيبان وقفت من الكرسي وريقي نشف من الخوف وفجأه ينفتح الباب ونغمض اعيوني بخوف وفي خاطري خلاص هذي نهايتي

زياد : هههههههههههههههه?

_________________

يتبع..

قايز مش معقوله تفاعل ضعيف هكي ومحبط وصلوها 200 تعليق واكتبو كلام بيش تشجعوني ونكتب البارت الجاي هي

بقلم:#منى_المجبري

#ممنوع_نشر_الرواية_خارج_القروب_الا_بعد_مرور_ساعه_حقوق_النشر_محفوظه??

#متابعه_للايميل_انظمام_الى_قروب منى المجبري(روايات ليبية)+دعوه للاصدقاء

#تفاعل_مهم