خفايا الحب ...4
1181 Words
#خفايا_الحب
#بقلم_منى_المجبري
#part4
(حقيقه ممزوجه بالخيال)
______________________
_ قعمزت "ميسم"ودموعها ينزلن تلقائيا ،بعد لحظات انفتح الباب وخشت "خلود"
خلود: ميسم
_رفعت" ميسم "راسها ودموعها ينزلن
ميسم : سيبيني ابروحي اشويا
خلود : متبكيش عشان خاطري
ميسم : توا نوض نغسل وجيي غير كنت مضايقه بس
خلود: انا اسفه على داراتهه ماما
ميسم" بِابتسامه": شن اسفه ما اسفه مدخنش فيهم نحنا اهم حاجه ديما نقعدو خوات ومع بعضنا
خلود : انحبككككككك
_قربت" خلود" من "ميسم" وحضنتها بالقوه
ميسم" بضحكه": حولى يادبهه قتلتيني
خلود" برفعه حاجب": على يحضنك باه الغلط مني مش منك يا بططهه
ميسم: اسسس قعمزي معش نبي نسمع صوتك خليني نشرب اميه بهدوء
خلود "زي الاطفال" : ننننننن
_ خذت "ميسم" الكأس وصبت اميه وبدت تشرب سمت بالله و شربة اول جرعه بعدها بعدت الكبايه وحمدت الله ، وابتسمت" لخلود "الى تشوفلها بِاستغراب? وردت سمت الله وشربت ثاني جرعه وبعدت الكبايه وحمدت الله وشافت "لخلود" الى عيونها قريب يطلعن من مكانهن ردت رفعت الكبايه وسمت الله للمره الثالثه وشربت آخر جرعه وحطت الكبايه مكانها
ميسم: الحمدالله
خلود "بهبل": نهارك اسود تشربي في الميه هكي امالا كان عصير شن صار
ميسم "بضحكهه": هههههههه ياهبلهه منشربش فيها هكي من فراغ
خلود" بفضول": كيف يعني
ميسم" بحب": انا ندير زي الرسول صلى الله عليه وسلم❤ هوا كان يشرب الميه على 3 جرعاات وفي كل مره يسمي الله وفي النهايه يقول الحمدالله تعرفي ليش
خلود" بفضول": ليش
ميسم : لان الميه مرات ادير مشاكل ومتمشيش في المجرا الصحيح في الجسم وتسبب مشاكل يعني لما نشربو نشربو ونحنا مقعمزين وزي مادرت لان التسميه بالله والحمدالله تخلى الميه الى خشت جسمي تنهيني عن فعل المحرمات والذنوب وتعصم الإنسان عن فعل السيئات فهمتي حبيبتي
خلود "بحب": محلاكك يا احلى أخت ربي مايحرمني منك
ميسم "بضحكه": ولامنكك يلا على دارك خليني نقرا قرآن بهدوء مش هرجه ههههههه
خلود : تنزي فيا بس يلا مقبولهه منك يا بطهه?
_طلعت" خلود" وضحكت" ميسم" على طفوله اختها
ومسحت باقي اثار ادموعها وطلعت المصحف❤صديقها الدائم وتعوذت من الشيطان وسمت الله وبدت ترتل في الكلمات بصوتها الجميلل?
_ قطع عليها تخبيط الباب
ميسم: تفضل
زياد : ميسم حبيبتي خالي ومراته لوطه يبو يودعونا قبل مايسافرو
ميسم "بحب": هي جايه
_ نزلت "ميسم" سلمت وهدرزو وبعدها روح "ناصرونهاد"،وركبت" ميسم "رقدت وركب" زياد" لجناحهه
___________________________
_ ناض "زياد" من نص نومهه ووجهه عارق مد يده لكاس الميه وشرب وحطه وذكر الله
زياد "بِاستغراب": شن ه الحلم الغريب هوا حلم ولا روئيه
(فلاش باك)
_ شاف" زياد" بنت شعرها اصفر وعيونها زرق كان منظرها متبهدلهه وتبكي وتنادي بأسمهه
(عوده من فلاش باك)
زياد: شكلى كثرث في الجرعهه اليوم خلى نرد نرقد?
_______________________
"في الصبح"
ناصر: وتيتي كل حاجه
نهاد: كله واتي هيا نطلعو
ناصر: قبل مانطلعو كنك فرحانه هكي ماشي اندير عمليه راه
نهاد" بحب": والله خايفه عليك بس خاطري نشوف بنت خالي تهاني ووعويلتها وحتى سيلين تغير جو معاهم
سيلين: صح مليت من نفس الروتين والوحده
ناصر: فاهم غير انابش فيك هي الطياره قريب تطلع
_ شدت" نهاد" في يد راجلها ووراهم" سيلين"وطلعو❤للمطار ومن المطار لِ ايطاليا
(سيلين : مواليد1997 جميله ملامحها طفوليه وبيضاء ومتوسطه الطول وجسمها مليان❤)
__________________________
انضمو للقروب
منى المجبري(روايات ليبية)
_________________________
_في ايطاليا
ايلول "بدموع": مش ه نمشي منبش نطلع من الشقهه
تهانى : كلمه وحده هيا ه تكملى شغل في ليبيا
اسماعيل" بطمع": ربح الشركه غادي اكثر وبعدين انتِ مش ه تخدمي مع اي حد ه تخدمي مع شركه ال (....)
ايلول" بقهر": بس انا ه نخش جامعه ونتخصص طب مانبيش نقعد سكرتيره
اسماعيل "بمكر": شكلك وجسمك ه يجيبن م**ب اكثر ما انتوقع هههههههه
_ قطع حديثهم صوت "منيب "وهوا نازل من دروج
منيب "بسعاده": صباحو وقت على الطياره راه
ميس: تعال شوف ايلول قلبتها عزاء متبيش تسافر .
_ايلول.... قرب مني منيب وهوا يمرر في نظراته على جسمي بوقاحهه وحط يده على ظهري وهمسلي .
منيب: خليكي طيبه وهاديه خير مانخليهم يمشو ونقعد انا معاك هههههه
ايلول "بكره وتشوف لمنيب": خلاص موافقه ه نسافر
ميس" بفرح": هي اغسلي وجك واطلعي علي ماطلعنا الشنط .
_ايلول... غسلت وجيي وطلعت وشعور الكرهه كل يوم يزيد لمنيب،و لقيته مصبي على الباب
منيب" بوقاحه": كان قعدتي وقعدت معاك غيرنا جو مش خير
ايلول: منيبببب الزم احدودك وبعدين انت في مثابته خويا
منيب"بضحكه": خوكي؟ هههههه انتِ مجرد بنت من الشارع راه ونحنا مربينكك وه يجي يوم ناخذ الى نبيه ونعزقك
ايلول "بغصه": في أحلامك .
_دفاته" ايلول" من على الباب وطلعت وهيا شاده دموعها بالغصب ، ركبت للسياره وطلعو للمطار .
(ايلول: مواليد 1997عيونها زرق وشعرها بني وبيضاء متوسطه الطول والجسم )
(تهاني: ولدها منيب وبنتها ميس اما ايلول هيا الى مربيتها ،اسماعيل زوج تهاني،"ه تشوفو ملامحهم في غلاف الروايه❤" )
_____________________
ميسم : صباحو يا جميل
زياد" بِابتسامه":صباح الورد
_زياد... قعمزت وفطرت وحضنت ميسم بالنسبه ليا ميسم اختي الى مفيش منها نحب نصائحها ونقائها هيا أقربلي من خلود، بعدها طلعت للمستشفي
خلود: صباحو
ميسم: باحو يا خميره
خلود: كله من الروايات ههههههه
ميسم : ومن مسلسل الطبيب المعجزه ولا نسيتيه
خلود : يوبرني احلى مسلسل في الكون هوا انا اقدر انساه
ميسم "بضحكه": طب اعدلى لسانك ياختشييي
خلود "بهبل": مش عايزه انتِ فكره نفسك اي زوجي ولا اي
ميسم : ههههههه ياخربيتك هضا كله ودوبا نايضه من النوم قعمزي افطري وخوذي طاقه من المفترض طاقتك كامله
خلود" بضحكه": ياختشييي دا انتِ مابتبطلش قرر اتهدي بقى انا هموت من ورا قرك دا
_ قعمزت "ميسم" على الارض من كثره الضحك، وكملناها على ه الوضع لين خشت" ام اشناف".
______________________________
_ نزلت طياره" نهاد ،ناصر"سيلين" في ايطاليا ، ومشو لشقه خال "نهاد"
منعم(خال نهاد): وامتى موعد العمليه
ناصر: الاسبوع الجاي
نهاد "بفرح": جينا بدري عشان نغيرو جو وهكي
ورده(مرت خالها): مرحبتين بيكم
نهاد: وين تهاني والعيال
ورده "بِارتباك": سافرو
نهاد : كيف وين سافرو
ورده: مشو لليبيا
ناصر" بأسف": كانت سيلين تبي تشوفوهم
ورده: معلش نصيب
نهاد" بِاستغراب وهيا شاده صوره": في الصوره 3 مش تهاني عندها منيب وميس بس من الى شعرها اصفر
منعم "بجديه": لقتها تهاني قبل ماتجيب منيب وميس وقصتها طويله
ورده: هي تفضلو على صفره الاكل
...
__________________________
رواد" بعصبيه وهوا يكلم في التلفون": رتاج ماتعنديش
رتاج" بمياعه": افف رودي كنك معقد
رواد" بعصبيه": رتااااج
رتاج" بخوف": ا اسفه بس انت مش فاهم انا بروحي في الشقه احسن من
رواد" بصبر": رتاج كلمه وحده هيا تردي للداخلى مع البنات وشقه بروحك لا لو عرفت انك طلعتي عن كلامي تحملى مايجيك
رتاج" بقهر" خلاص الى تبيها تصير
رواد : ايوا هكي اختي شاطره سلام توا يا حلوه .
_سكر "رواد" الخط وتن*د بقهر ،فجأه انفتح الباب وخش "خالد"
خالد : السلام عليكم
رواد: وعليكم السلام
خالد:كنه جوك مش هوا
رواد: من الاستاذه رتاج
خالد: تي كنك معاها
رواد : ايوا دلعها لين تخرب وتقعد على حل شعرها
خالد "بجديه": توا خلينا من رتاج وركز معايا في الى بنقوله
رواد: خير ان شاءالله
خالد: نحنا ه نحطو يدنا في يد شركه جبريل لان شركتنا الأسهم بدت تضعف وجبريل بروحهه ومفش حد يساعد فيه لازم نستغلو الشيء هضا
رواد:فكره حلوه ونا موافق
خالد: ولازم تقنع زياد يحط يده في يدينا
رواد : بس زياد
خالد: مفش بس لازم تصاحبهه وتقوي علاقتك بيه عشان مانخسروش انت فاهم
رواد: حاضر
خالد: اليوم ه نتعشو عندهم
رواد: به الى وقضتني بيش نلغي مواضيعي
خالد: تمام مع 8 انمر عليكك
_ طلع" خالد "و مشي تفكير "رواد "في "زياد"?
__________________
يتبع....
بقلم:#منى_المجبري
#ممنوع_نشر_الرواية_خارج_القروب_الا_بعد_مرور_ساعه_حقوق_النشر_محفوظه??
#متابعه_للايميل_انضمام_الى_قروب منى المجبري(روايات ليبية)+دعوه للأصدقاء
#تفاعل_مهم
- Writer
