"SENYORITO Draco, lasing na po yata kayo."
Napatingin si Laura sa dereksiyon ni Draco nang marinig niya ang sinabing iyon ni Kuya Ador. Kumunot naman ang noo niya nang makita ang pamumula ng pisngi nito, hindi na kasi ang alak na dala nito ang iniinom nito ng sandaling iyon. Kundi ang lambanog na inilabas ni Kuya Ador kanina, hindi daw kasi sanay na uminom ang mga ito sa mamahaling alak. Mas prefer pa daw na inumin ng mga ito ang lambanog. Nagbiro pa nga sina Kuya Ador na baka masanay ang dila ng mga ito sa mamahaling alak at baka iyon na daw ang hanap-hanapin ng mga ito.
At mukhang na-curious din ang lalaki dahil nakisali din ito sa pag-inom ng lambanog. At mukhang hindi naman ito sanay na uminom no'n dahil hindi pa nito nauubos ang pangalawang baso nito ay tinamaan na ito.
"I'm oka
