"f**k!"
Mura ni Draco nang magising siya kinabukasan na parang may pumipitik sa sentido niya. Nakapikit pa din ang mga mata ng tumaas ang isang kamay para hawakan ang sentido at masahiin iyon.
Ilang sandali siyang nanatili sa ganoong posisyon hanggang sa dahan-dahan siyang bumangon mula sa pagkakahiga niya.
Pero mayamaya ay natigilan siya ng mapatuon ang tingin niya sa ibabaw ng bedside table. Mula doon kasi ay may nakita siyang nakapatong na isang basong tubig at isang gamot para sa hangover.
Nakita din niyang may nakadikit na post it note sa baso. Kinuha naman niya iyon para basahin.
Drink this.
Hindi naman kailangan ni Draco na malaman kung sino ang nagsulat niyon at kung sino ang naglagay niyon doon.
Alam niya galing iyon kay Laura. Pero ang hindi niya maintindihan ay kun
