"MAGANDANG umaga po, Senyorito Draco."
Humigpit ang pagkakahwak ni Laura sa hawak na plato ng marinig niya ang pagbating iyon nina Aine sa lalaki. At mula sa gilid ng mata niya ay nakita niya ang bulto ni Draco na pumasok sa loob ng kinaroroonan nila.
Sa halip naman na lingunin ito para batiin din ay hindi ginawa ni Laura. Sa halip ay pinagpatuloy niya ang ginagawa, nagpatuloy siya sa paglalagay ng pinggannat kubyertos sa mesa.
Mula nga ulit sa gilid ng kanyang mga mata ay nakita niya ang pagsulyap ni Draco, ramdam ulit niya ang bigat ng titig na pinagkakaloob nito sa kanya pero hindi niya ito pinansin, hindi man nga lang niya ito tiningnan.
Hindi pa kasi niya nakakalimutan ang ginawa nito kahapon noong nasa sapa silang dalawa. Ang pagku-kunwari ni Draco na nalunod para sagipin niya
