NAMIMILIPIT sa sobrang sakit ng katawan si Jenina nang magising siya. Hindi rin niya gaanong maikilos ang kanyang katawan. Nang magmulat siya ng mga mata ay puting kisame ang kaagad bumungad sa kanya. Amoy alcohol din ang kinaroroonan niya.
Nakahiga siya sa isang malambot na kama, may nakakabit na hose sa kanyang kanang braso. Tuyong-tuyo rin ang kanyang mga labi, parang ilang araw nang hindi nasasayaran ng tubig.
Napahawak siya sa kanyang ulo nang maramdaman niya ang p*******t doon. Nakabendahe iyon kaya alam niyang nagkasugat talaga siya sa ulo. Sanhi siguro ng pagkabangga—kaagad nanigas ang katawan niya at kinakabahan ng sobra nang maalala niyang nabundol siya ng rumaragasang sasakyan kanina.
Kanina? Kanina lang ba talaga iyon nangyari?
Diyos ko! Nasaan ba siya? Nakatakas na ba siya
