NAPANGANGA si Jenina nang inihinto ng driver ni Lola Estrella ang sasakyan sa harap ng isang malaki at magarang bahay. Akala niya ay isang simpleng bahay lang pero hindi naman niya inakala na parang palasyo pala sa sobrang laki ang bahay na sinasabi nito.
Nang makita niyang nagtanggal ng seatbelt ang matanda ay agad na ginaya niya ito. Nang buksan ng driver nito ang pinto sa gilid nito ay agad na bumaba ito. Agad din naman siyang sumunod ditoat bumaba sa kaparehong pinto.
“Halika hija, pasok na tayo sa loob.” Nakangiting aya sa kanya ng matanda at kaagad siyang inakay papasok sa loob ng malaking bahay.
Nagulat pa siya nang may dalawang babae na kaagad lumapit sa kanila at yumuko sa harap nila. Pareho pa ang mga suot ng mga ito.
“Mona, Hilda, nalinis niyo na ba ang kuwartong sinasabi k
