HI#21
NAIILANG si Jenina sa presensya ng katabi niya. Kanina pa siya hindi mapakali habang panay ang sulyap niya sa binatang amo, halos idikit na rin niya ang katawan sa pinakasulok ng passenger seat.
Kinakabahan din siya dahil kanina pa ito walang imik habang nagda-drive. Unang pagkakataon na nakasakay siya sa mamahalin nitong sasakyan.
“Saan ba tayo pupunta?" Hindi na niya napigilang tanong kay Señorito Drake. Pinagdikit niya ang namamawis niyang mga palad at ikiniskis pa iyon. Malamig ang temperature dito sa loob kaya mas nakadagdag iyon sa kabang nararamdaman niya.
“In my office." Anito na bahagya lang siyang nilingon at kaagad din nitong ibinalik sa kalsada ang tingin nito.
Nakakunot ang noong tiningnan niya ito. Sa office nito sila pupunta. Office. Ibig sabihin niyon na magtratr
