HI#22
"WHAT?"
Nakakunot ang noong untag sa kanila ni Señorito Drake habang nagpalipat-lipat ang tingin nito sa kanya at kay kuya Aldo. Patay na talaga siya nito.
Pero bakit ba narito na ito? Hindi ba dapat nasa meeting pa ito?
"Uh, S-Señorito kayo po pala." Aniya at tabinging ngumiti rito pero seryoso ang mukhang tiningnan lang siya ng binata. Napangiwi siya at masamang tiningnan si kuya Aldo. Pahamak talaga ito kahit kailan. Napangiwi din ito, pagkuwan ay pasimpleng lumayo at aalis na sana nang tawagin ito ni Señorito Drake.
"Aldo,” matigas ang boses na tawag nito sa Assistant nito. Nahinto naman ang lalaki at kaagad napaharap sa kanila. "Sinong papalayasin?" tanong ni Señorito Drake sa Assistant pero ang mga mata nito ay nasa kanya pa rin. Ayaw talaga nitong tantanan ang narinig ni
