Nagtataka si Diva kung bakit paiba-iba ang ugali ni Brent.
Puwede na raw siyang umalis sa bahay nito bukas kaya naman heto siya ngayon nag-iimpake na ng mga damit niya.
"Ville," untag ni Brent sa kaniya. "Kakain na raw sabi ni Aling Lilia."
"Mamaya na ako kakain. Tatapusin ko lang 'tong pag-iimpake ko," tugon niya nang hindi ito nililingon.
"Aalis ka na ba talaga?"
"Pinapaalis mo na ako, 'di ba?"
"Hindi ko sinabing umalis ka na."
Sa pagkakataong 'yon pansamantala muna siyang huminto sa ginagawa at hinarap ito habang nakapamaywang.
"Brent, baliw ka ba?"
"Oo," halos pabulong nitong sagot pero umabot naman sa pandinig niya.
"Uuwi na ako mayamaya kaya maliligo na ako pagkatapos nito. At saka pinapaalis mo na ako, 'di ba?"
"Desidido ka na ba talagang bumalik sa Maynila?" tanong pa
