⑅✷⑅XANDER⑅✷⑅
Ito na ang araw na hinihintay ni Xander; ang ipakilala si Ella sa kaniyang pamilya. Ang buong akala nga niya ay hindi matutuloy dahil natanggi si Ella kapag niyayaya niya. Pero sa huli, sa pamamagitan ni Noelyn ay pumayag din ito na sumama sa kanila.
Pauwi sila ngayong araw sa Rancho Villaruiz. Araw ng anihan ng palay roon kaya't may konting selebrasyon na inihanda ang kaniyang ama. Bukod pa riyan ay umuwi nitong nakaraang araw ang tiyahin niyang si Samantha mula England upang bisitahin ang ama nitong si Don Lucas na lumulubha na ang karamdaman.
At dahil weekend na naman ngayon at pahinga nila sa kaniya-kaniyang trabaho tapos nataon pa na anihan ng palay sa Rancho Villaruiz, nag-aya si Samantha na magtipon silang magpamilya roon. Isang perpektong pagkakataon upang maipakil
