Hindi malaman ni Ashleigh ang kanyang gagawin dahil sa paulit-ulit na pangongonsensya ng kanyang sarili sa kanya. Hindi niya maatim na lokohin ang lahat ng taong nag-aalaga at nagbibigay ng halaga sa kanya. Lalo pa nang isipin ng mga ito na kasalanan nila ang nangyari sa kanya, gayong una pa lang naman ay alam na alam na niya ang pwedeng mangyari sa kanya kapag kumain siya ng pusit. Pero dahil sa katigasan ng ulo niya ay ginawa niya pa rin, at nang mapahamak siya ay ibang tao pa ang nagkaroon ng pananagutan sa kanya sa halip na ang sarili niya ang dapat na mismong managot.
Gustong-gusto na niyang sabihin kay Angelo ang lahat ng katotohanan tungkol sa tunay niyang pagkatao. Gusto na niyang aminin ang lahat-lahat dito, kaya lang ay pinanghihinaan pa siya ng loob dahil natatakot siyang baka
