"MAY balita ka na ba tungkol sa kanya?" tanong ni Henry sa private investigator na kinuha niya na pwedeng makatulong sa kaniya sa paghahanap sa nawawala niyang anak.
Tumango ang lalaki. "Hindi naman po ako nahirapan sa paghahanap sa kanya, ang totoo doon parin sa address na ibinigay ninyo nakatira ang tiyahin niya. Pero ang anak ninyo wala na po doon, noong isang buwan po kasi ay ikinasal na siya," pagbibigay nito ng impormasyon sa kaniya.
Mabilis na nagliwanag ang aura ng mukha ni Henry sa kanyang narinig. Masaya siya dahil sa wakas, matapos ang napakatagal na panahon ay makikita at makikilala narin niya ang anak niya at pati narin si Janet.
Ayaw man niyang aminin pero iyon ang totoo. Ang pag-ibig niya para sa unang babae na kaniyang minahal ay hindi naman lubusang naglaho sa kaniyang
