"TUMIGIL ka nga," namumula ang mukha niyang saway sa lalaki saka siya humigop ng kape para makaiwas ng tingin rito.
"Namumula ka na naman," ani na tumawa pa ng mahina saka sinimulan ang pagkain.
"Libre ka ba ngayong araw?" para maiba ang topic ay naisipan na ni Portia na buksan ang tungkol sa topic na iyon.
Nagkibit ng balikat nito si Vincent bago nagsalita. "Alam mo namang palagi akong busy hindi ba?" tanong nito sa kaniya ng nakangiti.
Tumango siya. "Naisip ko lang na itanong. Gusto ko kasing ipakilala ka sa anak natin, ngayong araw," sa huli niyang sinabi ay nakita ni Portia na natigilan ang kaniyang kaharap saka tumitig sa kaniya.
Ilang sandaling nanatiling ganoon ang reaksyon ni Vincent. Nakatitig lang ito sa kaniya habang nasa mga mata nito ang maraming magkakahalong damdamin na
