“Mom, matagal ko nang pangarap na makita ka.” Aniya bago ito binalingan at masuyong nginitian.
Naramdaman n’ya ang paghigpit ng yakap nito sa kanya. “Ako rin, anak ko. Sabik na sabik akong makita ka. Ang buong akala ko’y hinding-hindi na kita masisilayang muli.”
Napapikit s’ya ng maramdamang dumampi ang labi nito sa tuktok ng kanyang ulo.
Hindi n’ya alam kung ilang araw na silang nananatili sa mabahong bilangguang iyon ngunit hindi n’ya alintana ang takot dahil alam n’yang naroon ang kanyang ina upang protektahan s’ya. Dito na rin n’ya ipinagdiwang ang kaarawan. It may not be the best place to celebrate it but she’s beyond grateful dahil nagkita na sila ng kanyang ina. Tama ang kanyang hinala, her mom is loving and caring. No wonder her father fell for her. Sa sandaling panahon na naka
