Nanginginig ang kanyang kalamnan matapos n’yang isigaw iyon. Inilibot n’ya ang kanyang paningin sa paligid at napagtantong nasa isang malaking bulwagan sila. Maraming mga nakasabit na dekorasyon na gawa sa ginto! Ang hula n’ya ay tunay ang mga iyon.
Napalunok s’ya ng makita ang nagbabagang titig sa kanya ng mga naroroon. Pinilit n’yang ikalma ang sarili ngunit nabigo s’ya. Muntik na s’yang matumba dahil nanghihina ang kanyang tuhod ngunit buti na lang at naalalayan s’ya kaagad ni Atlas.
“I-Indira…”
Napapikit s’ya ng mariin ng marinig ang boses na iyon. Kilalang-kilala n’ya ang nagmamay-ari ng boses na iyon.
Si Janus.
Ang kanyang pinakamamahal.
Napakapit s’ya kay Atlas bago itinuon ang pansin sa kanyang minamahal na may kakaibang kislap sa mga mata nito. Napaiyak s’ya. Gusto n’ya iton
