اين عائلتى ؟

الجزء الثاني

فى منزل احمد متولى

احمد ... السلام عليكم

نورهان .... وعليكم السلام ورحمة الله وبركاته الحمد لله على سلامتك

احمد ... الله يسلمك ايه اخبار اميرة

نورهان ... كويسة الحمد لله

احمد ... هى فين دلوقتي

نورهان ... كالعادة قاعدة فى اوضتها هى من امتى بتطلع منها

احمد .... معلش يا نورهان استحمليها هى نفسيتها مش تمام

نورهان .... وهى من امتى نفسيتها تمام ربنا يكون فى عونها

احمد .... هروح اشوفها انا

نورهان .... تمام وانا هحضرلكم الغداء

احمد .... تمام

فى غرفة اميرة

احمد .... السلام عليكم على احلى الناس

اميرة .... وعليكم السلام

احمد ... مالك يا حبيبتى فيكى ايه

اميرة ... مفيش

احمد ... لا فى احكيلى عايزة تخبى حاجة على بابا يا ميرو

اميرة ... بابا انا تعبت من الكرسي اللى قاعدة عليه علطول ده مش قادرة استحمل

احمد .... وهنعمل ايه يا بنتى ده قضاء ربنا منقدرش نغيره

اميرة ... ونعم بالله بس انا تعبت نفسي اقوم واجرى من صغري كان نفسي العب مع العيال فى الشارع ولحد الان نفسي اجرى وانط وامشي براحتى عارف يا بابا لو قدرت امشي والله هروح العب مع العيال زى المجنونة ومش هيهمنى حد

احمد .... الحمد لله يابنتى على كل حال ما انتى بردوا اللى شوفتيه انتى وصغيرة مش قليل عليكى وده اثر على اعصاب رجلك وخلاكى بالحالة دى الحمد لله يابنتى انك بتكلمى وبتضحكى وبتبكى وقاعدة ما بينا عايشة

اميرة .... يارتنى كنت مت بقى احسن من العيشة دى

احمد ..... واحنا يابنتى كنا هنعمل ايه من غيرك

اميرة ... كنتوا نستونى بدرى بدال الفلوس اللي عمال تصرفوها على الفاضى دى

احمد ... فداكى فلوس الدنيا كلها يا حبيبتى يا حبيبتى ضحكتك دى بالدنيا كلها عندنا

نورهان .... عايزة تسيبنى يا اميرة عايزة تسيبى امك يا اميرة يارب يومى قبل يومك يا اميرة

اميرة .... بعد الشر عليكى يا ماما ربنا يخليكى ليا انتى وبابا ومعاذ كمان ربنا يرجعه بالسلامة

نورهان .... يارب يابنتى ابنى معاذ من من ٨ سنين سابنا ومشي مش عايز يرجع تانى

اميرة .... ان شاء الله هيرجع يا ماما وهيعيش ما بينا تانى

احمد .... ان شاء الله يابنتى ان شاء الله هيرجع وهنعيش وحياتنا ترجع زى زمان

نورهان .... اللهم امين يارب يلا بقى الغداء جاهز يا جماعة انا هموت من الجوع

احمد ... يلا بقى يا اميرة امك لو فضلت اكتر من كدا هتاكلنا احنا

نورهان .... يا سلام طيب يلا لاكلكم بجد

اميرة .... هههههه يلا يلا حتى انا جعانة

..................

فى منزل ذكى

بسمة .... يلا يا بنت يا مى العريس جه برا

مى .... مش طالعة

بسمة .... هتطلعى ورجلك فوق رقبتك

مى ... ورونى هطلعونى ازاى بقى مش طالعة

بسمة .... منار .. منار

منار ... نعم يا ماما

بسمة ... عدلى البنت دى لبسيها كويس وطلعيها غظب عنها ولو مش رضيت تطلع نادينى

منار ... حاضر يا ماما من عيونى

بسمة .... يلا عشان الموكوس برا قصدى العريس

منار ... حاضر يا ماما

مى ... حرام عليكم والله انتوا بتعملوا فيا كدا ليه انا عملتلكم ايه بس حرام عليكم

منار ... ده شىء طبيعى احنا بنكرهك ومش عايزينك

مى .... ارومونى فى الشارع ولا تعملوا فيا كدا

منار ... لا نرميكى فى الشارع ازاى احنا مش وحشين لدرجة دى اخلصي وخلصينى مش فايقالك انا

منار كانت تجهز مى ومى كانت فى حالة من الانهيار والبكاء لا تستطيع ان تفعل شيئا فى حياتها

منار .... خلاص انا كدا خلصت يلا عشان تطلعى لعريسك يا عروسة

مى ..... لا مش هطلع

منار .... اومال مين هيطلع يعنى اطلع انا

مى .... اطلعى انا مش طالعة انتى الكبيرة

منار ... هههه انا اطلع لده مستحيل طبعا ده مش من مقامى اصلا

مى .... مقام ايه يا ام مقام انتى بنت البواب

منار ضربت مى بالقلم

منار .... البواب ده اللى بتكلمى عليه هو اللى رباكى يا استاذة

مى .... يارتنى كنت فى الشارع على العيشة اللى انا عيشاها دى بلا هم

منار ... ومستعجلة ليه انتى مجرد ما تجوزى الراجل ده هتبقى الشارع لانهم ساكنين فى اوضة فوق السطوح يا قطة

مى .... والله هيكون احسن من العيشة اللى انا عيشاها هنا دى

منار .... طيب يلا غورى اطلعى من هنا روحى شوفى العريس اللى هيطلعك من العيشة دى ولا انادى بابا

مى .... طالعة طالعة ان شاء الله تطلعى روحى قبل ما اطلع من هنا

منار ... اللهم امين يارب بس هنعمل ايه الوحش ولا بيموت ولا بيضع

مى ... حسبي الله ونعم الوكيل فيكم كلكم

منار ... طيب يلا يا ختى يلا

خرجت مى ولم تجد فى الموجدين الا ذكى وبسمة ورجل عجوز

بسمة .... اهلا اهلا يا عروسة سلمى على عريسك يلا

مى .... هو فين ده

بسمة .... اهو قدامك الاستاذ محمد

مى .... ده راجل عجوز حرام عليكم

بسمة .... ايوة هى كبر فى السن وعايز واحدة تخدمه

مى ..... خلاص اتجوزيه انتى انا مش موافقة

ذكى .... بت لمى لسانك ده وقولتك انتى ملكيش راى

محمد .... وبنات اليومين دول متجلعين قوى

مى .... انت يا عم محمد عايز تجوز واحدة كد حفيدتك

محمد .... لا كدا كتير يا استاذ ذكى

ذكى .... لا لا يا استاذ محمد هى متقصدش

بسمة .... والله حتى لو تقصد تتضرب ونعرف نربيها كويس

محمد .... بصي يا عروسة هى اسمها ايه صح

بسمة .... مى

محمد .... نعم مش سامع

مى .... وكمان اطرش

بسمة .... مى يا استاذ مى مى

محمد .... على صوتك انتى ليه بتكلمى براحة كدا

ذكى .... ده الراجل اطرش خالص اسمه مى مى يا عم محمد

محمد .... مى

ذكى .... ايوة مى

مى .... والله حرام اللى بتعملوه فيا ده ليه كدا

بسمة .... انتى تسكتى خالص مسمعش نفس فاهمة

مى ... حسبي الله ونعم الوكيل فيكم كلكم

ذكى .... يلا يا عروسة روحى مع جوزك

مى .... علطول كدا

ذكى .... ايوة علطول كتبنا كتب الكتاب ويلا روحى معاه

بسمة ... واخيرا هنرتاح من وشك

مى .... حسبي الله ونعم الوكيل بس صدقونى العيشة معاه هتكون احسن من العيشة هنا والله

منار .... ايوة يلا روحى من هنا

امل .... مى مى

بسمة .... عايزة منها ايه دى دلوقتى

امل ... مى هتوحشينى قوى والله

ممدوح .... ربنا معاكى يا حبيبتى وربنا اكيد هينصرك على كل اللى ظلموكى

مى .... وانتوا والله هتوحشونى خالص ربنا معاية ومعاكم يارب

امل ... يارب

بسمة .... يلا يلا يابت انتى وهو على جوة معرفش ايه عملتكلم البنت دى بتحبوها على ايه

ممدوح ... مى خودى البرشام ده

مى ... برشام ايه ده

ممدوح ... ده منوم

مى .... وهعمل بيه ده

امل ... اديه للراجل العجوز اللى برا ده كل يوم

مى .... حاضر

بسمة .... بتقولوا ايه ده كله يلا ادخلوا جوة اخلصوا

مى ... يلا سلام يا ممدوح سلام يا امل

امل + ممدوح ... سلام يامى

محمد .... يلا يا عروسة

مى .... هو فين البيت

محمد .... اخر الشارع ده بصي انا مش هقدر امشى استنى هوقف تا**ي

مى ... تا**ي ايه ده احنا فى اخر الشارع يلا امشي بس

محمد ... طيب يابنتى يلا

مى ببكاء .... بنتك انا مراتك يا حج

محمد .... لما نوصل بس يبقى نتكلم

وعند وصولهم المنزل

مى .... ها السطح ده الدور الكام

محمد .... لا عزلت ساكن هنا البدروم

مى ... طيب كويس حاجة كويسة اهو من اولها اتفضل يا حج اتفضل

محمد .... اتفضلى انتى يا عروسة

مى ببكاء ... عروسة يارب تكون اخر ليلة ليا فى الدنيا دى

محمد .... بتقولى حاجة يا عروسة

مى .... لا لا مش بقول على حاجة ولا عايزة اقول حاجة

محمد ... طيب تعالى اقعدى

مى .... طيب

محمد .... هاتيلى مياه معاكى

مى .... حاضر

ووضعت مى برشامة المنوم فى كوب الماء

محمد .... هاتى

مى .... اتفضل

ومجرد ما شرب الماء نام ولم يشعر بشىء نامت مى فى الارض وعيناها مليانة دموع

..............

فى منزل احمد

اميرة تصرخ

نورهان ... بنتى فيكى ايه حصل ايه

اميرة ببكاء .... ماما كوابيس كل يوم يا ماما انا اتخنقت انا تعبت يا ماما

نورهان .... معلش يا بنتى تعالى تعالى نامى فى حضنى

اميرة ... مش عارفة ليه حاسة ان المرة دى بزيادة

نورهان .... بزيادة ازاى يعنى يا اميرة

احمد .... ايه يا اميرة موال كل يوم بردوا

نورهان .... بتقول المرة دى بزيادة

احمد .... ليه مالك بس

اميرة .... معرفش يا بابا سمعت حد بيصرخ جامد وبيقول يا اميرة يا اميرة وانا مش عارفة الصوت ده جاى من فين او من مين

نورهان ... بسم الله الرحمن الرحيم

احمد .... اقرى ايه الكرسى قبل ما تنامى واستغفرى ربك

اميرة .... لا انا مش قادرة انام تانى

نورهان .... خلاص انا هقعد جنبها لحد ما تنام

احمد .... تمام ربنا يشفيكى يابنتى

اميرة .... يارب

.............

اليوم التالى

فى منزل ذكى

بسمة .... رايحة فين يا منار

منار .... طالعة يا ماما شوية مع اصحابى

بسمة .... لا يا بنتى الوضع بقى يختلف

منار .... بختلف ازاى يعنى مش فاهمة

بسمة .... يختلف ان مى مش موجودة مين هيعمل كل شغل البيت

منار .... نعم لا انا مش هعمل حاجة عايزانى انا اعمل شغل البيت لا طبعا مستحيل

بسمة .... مستحيل ليه ان شاء الله اومال مين اللى هيعمل شغل البيت انا

منار .... والله ده شىء ميخصنيش براحتك وبعدين امل قاعدة اهو

بسمة .... ايوة تساعدوا بعض

منار .... انا مش هعمل اى حاجة ( و رحلت )

امل .... خلاص يا ماما انا هعمل شغل البيت

بسمة .... طيب يا بنتى