اين عائلتى ؟

........ لو سمحت لا انا مش عايزة اتجوز دلوقتى ........ انتى ملكيش راي عشان تقولى عايزة ولا مش عايزة احنا بس اللى هنقرر ..... دى حياتى وانا حرة فيها ....... بس اسكتى حرة على نفسك وهتتجوزى يعنى هتجوزى ..... حرام عليك انت بتعمل فيا كدا ليه انا عملت ايه بس ...... تحرم عليكى عيشتك مفيش كلام بعد كلمتى خلاص انا قولت وانتى هتوافقى خلصنا على كدا .............. منذ عشرون عام الباب يطرق ذكى ( صاحب المنزل ) : قومى افتحى الباب بسمة ( زوجته ) : حاضر ...... ايوة جاية فتحت الباب بسمة : ايه ده مفيش حد خرج ذكى ونظر من الباب ذكى : اومال مين اللى بيستهبل ده صوت طفل يبكى بسمة : بسم الله الرحمن الرحيم ايه ده مين دى ولا مين ده طفل بجوار المنزل بقفص من الكرتون وجانبه اشياء ذكى : دخليه هاتى نشوف ايه المصيبة دى ودخله بطفل بسمة : شوف الورق ده بتاع ايه بص ده هنا فى هدوم ولبن وحاجات كتير ذكى ينظر اللى الورق ذكى : دى ورقة جواب بسمة : وبتقول ايه الورقة دى ذكى : " بسم الله الرحمن الرحيم ..... اسم الطفلة مى اعتنوا بيها " بسمة : ايه التهريج ده مفيش اى معلومات تانى ذكى : لا مفيش بسمة : نعتنى بمين احنا لاقين ناكل مش لما نربى اللى معانا دول ذكى : خلاص خليها معانا وعلميها الصنعة وشغليها عندك خدامة فى البيت بسمة : خدامة مين بس يا ذكى ده لسه فى اللفة فينك بقى على تكبر ذكى .... يعنى نرميها تانى وملناش دعوة صح بسمة .... ايوة ارميها احنا مالنا اللى يلقيها يربيها يطرق الباب مرة اخرى ذكى ... انا هفتح بقى المرة دى بسمة .... لو عيل تانى سيبه مكانه ذكى .... ايه الليلى السودة دى ياربى فتح الباب بسمة .... لقيت ايه ولا مين على الباب ذكى .... دى كرتونة تانى بسمة .... بووووو يعنى عيل تانى ارميهم هما الاتنين ذكى .... لا لا استنى مش عيل .... دى هدوم .... ال**ب .... لبن ..... مياه ..... اكل ..... ايه ده دى فلوس .... استنى في ورقة هنا بسمة .... شوف ايه ده كمان ذكى .... " البنت تفضل عندكم وهذه الكرتونة كل اسبوع سوف تجدون منها امام الباب بسمة ..... بس دى حاجات كتير اوى ذكى .... وكله للبت دى بسمة .... يعنى هتاخد ده كله لوحدها ذكى .... لا طبعا و لمنار وامل وممدوح اولادنا بسمة .... الله ينور عليك هى اصلا اللى مش هنديها حاجة ذكى .... يعنى هنخليها عندنا بسمة .... ولما تكبر تبقى خدامة ذكى .... العز اللى هنبقى فيه بسبب المخلوقة دى بسمة .... ايوة وبالفلوس دى تاخدلنا شقة فى العمارة دى ذكى ... يعنى نسيب شغلة البواب وناخد شقة في العمارة اللى كنت فيها بواب بسمة .... لا لا مش كدا عادى هناخد شقة وبردوا هتبقى بواب مش هندفع فيها ذكى .... ايوة صح بعد ١٠ اعوام بسمة .... انتى يابت يامى يا مى مى .... ايوة يا ماما بسمة .... بت قولتلك مش تقولى ماما دى فاهمة قولى ايوة يا مدام يا مدام مى .... وليه منار وامل وممدوح بيقولولك يا ماما وانا لا ليه بسمة .... منار وامل وممدوح ولادى اما انتى لا انتى مش بنتى ولا اعرفك مى ..... اومال انا بنت مين بسمة ... وانا ايش عرفنى بنت مين ياختى بلوة جات علينا وبس هنعمل ايه مى .... وليه مش رمتونى يوم ما لقتونى بسمة .... شوف البت هتحسبينى ولا ايه بطلى رط خالص انتى مش تكلمى من الاساس مى ... حاضر مش هتكلم انا اسفة بسمة .... غورى من وشي تمسحى السلالم كلها من الدور العاشر اخر دور لحد اول دور هنا وبعد كدا تروحى تجيبى طلابات الناس فوق وبعد كدا تيجى تنضفى هنا فاهمة مى .... هعمل ده كله لوحدى بسمة .... اومال عايزة مين يعمل معاكى مى .... منار وامل يعملوا معاية بسمة .... بس يابت مسمعش صوتك منار وامل فى المدرسة دلوقتى مى .... وانا مش دخلتونى مدرسة ليه بسمة .... عشان انتى مش بنتنا ولا نعرفك مى .... مش بنتكم ربتونى ليه طيب بسمة .... بووووو تموتى يا بعيدة يخرب بيت رطك ايه ده ذكى .... فى ايه ايه الدوشة دى كلها بسمة .... الموكوسة عايزة تدخل مدرسة قال ذكى .... مدرسة مى .... ايوة يا بابا بص والله انا بعرف اقرا واكتب اتعلمت مع امل ومنار بسمة .... اومال انتى لما تروحى مدرسة مين يعمل شغل البيت والعمارة هنا مى .... انا اول ما اجى من المدرسة هعمل كل حاجة ومش هخليكى تعمل حاجة خالص والله صدقينى ذكى .... خلاص ندخلها مدرسة مى ... بجد يا بابا بسمة .... اسكتى انتى ... مدرسة ايه دى يا ذكى اللى دخلها فيها ذكى .... ندخلها وخلاص يا بسمة ن**ب فيها ثواب محدش قاعد جاهل دلوقتى بسمة .... واحنا مالنا تقعد جاهلة ولا متقعدش نعلمها ليه طيب ذكى ..... خلاص خليها تتعلم مع العيال وخلاص يا بسمة بسمة .... من فين يا ذكى من فين دى عايزة مصاريف واحنا مش معانا حتى الكرتونة اللى قاله هيبعتوها قطعوها ليهم سنتين ذكى .... هتلبس هدوم البناات القديمة مش هنشترى جديد متخفيش بسمة .... لا انا مش موافقة على الحكاية دى وبعدين هى عندها عشر سنين مفيش مدرسة هتقبلها ذكى .... تدخل متأخرة ٣ سنين ولا سنتين مش مشكلة بسمة .... دى فى عمر بنتك منار يعنى المفروض تكون فى رابعة دلوقتى ذكى .... هندخلها مع امل وخلاص يا بسمة بسمة ... يعنى هتدفع فلوس زيادة عشان الموكوسة دى ذكى .... يووووه يا بسمة ن**ب فيها ثواب وخلاص مش مشكلة بسمة .... طيب هوافق بس بشرط مى .... وانا هقبل باى شرط بسمة .... عارفة لو في يوم لقيت البيت مش مرتب ولا شغل البيت عموما مش معموم هعمل فيكى ايه هتضربى وتتحبسى ومش هتروحى المدرسة دى تانى مى .... حاضر صدقينى هعمل كل شغل البيت ومش هخليكى تشتكى منى ابدا بسمة .... طيب يلا روحى اعملي اللى قولتلك عليه مى .... حاضر من عيونى شكرا يا ماما قصدى يا مدام شكرا يا بابا بسمة .... قولتلك بردوا مش تقولى يا بابا قوليله يا فندم فاهمة مى .... حاضر يا مدام شكرا يا فندم ..... انا هروح دلوقتى اعمل اللى قولتيلى عليه سلام بسمة .... شوف البت فرحانه ازاى سلام ياختى لما نشوف اخرة المدرسة اللى فرحانة بيها دى ايه هتود*كى على فين قامت مى بعمل ما طلب منها حيث هذا هو عملها فى حياتها منذ صغرها انها تقوم وتحضر الفطار للعائلة وكائنها فتاة كبيرة وليست طفلة ترى الاطفال يذهبون الى المدرسة وهى تبقى بالبيت حزينة على حالها اخذت منها كل طفولتها بعد ان تعد الفطار تذهب لتنضيف العمارة باكملها وتلبية طلبات سكانها وهى وبعد ذلك فى لحظة الظهيرة وبينما الجميع نائم هى تقوم وتبحث فى كتب وكراسات امل ومنار وتذاكر بدون صوت او علم من احد وعندما يأذن العصر تمثل انها كانت نائمة وتقوم بسمة بضربها حتى تقوم من نوم بسمة .... قومى انا قولتك كام مرة متناميش فى النهار انتى هبلة انتى بس مجرد خدامة هنا مش جاية تنامى يا استاذة انتى تشوفى ايه اللى ناقص فى البيت وتعمليه فاهمة مى .... حاضر مش هعمل كدا تانى والله حاضر بسمة .... ما كل مرة تقولى نفس الكلمتين وبردوا بتنامى ما انتى لازم تضربى بقى بالعصاية عشان تتربى مى .... سامحينى والله مش هعمل كدا تانى انا اسفة بسمة ... بس بطلى دوشة لا لازم تضربى وتضرب فيها بسمة دون رحمة وبعد ذلك تجعلها تخدم فى البيت وتنام اخر شخص فى المساء ولكن الان اصبحت تذهب الى المدرسة يوميا وتعود بالنهار بالظهيرة تقوم بتنظيف البيت والعمارة وتلبية احتياجات سكان العمارة تنتهى من عملها المغرب وبعد ذلك تجلس تذاكر حتى تنام وبسمة وبناتها لا يفعلون شيئا موجودن فى المنزل يشاهدون التلفاز ويأكلون وينامون ولا يفعلون شيئا اخر بعد عشر سنين منار .... مى مى مى .... ايوة جيت نعم منار ..... بكرة معاية مشوار مهم جدا عيزاكى تغسليلى كل هدومى اللى بطلع بيها عشان متبقاش حاجة مش نضيفة وكمان تدورى على الشنط والكوتشات وتغسليهم و ..... مى .... حيلك حيلك وانا اعمل كدا ليه يعنى انا مالى منار .... انتى مالك ازاى يعنى انتى هبلة صح مى .... هبلة لا مش هبلة يا بابا ردى على كد السؤال انا اعمل ده كله ليه ما تعمليه انتى منار .... اومال لما اعمله انا انتى هتعملى ايه مى .... انا حاليا في ثانوية عامة وهروح اذاكر مش فايقالك منار .... مش فايقة لمين يا حبيبتى هو انتى نسيتى نفسك ولا ايه يا قطة مى .... نسيت نفسي ازاى يعنى منار .... اه يبقى نسيتى نفسك طيب انا هفكرك انتى هنا خدامة وبس فاهمة خدامة وبس مى .... مش معنى انى بخدم هنا وحضرتك مش بتعملى حاجة يبقى خدامة البيت وهخدمك انتى كمان منار .... اومال معناه ايه يا روحى مى .... عادى على الفكرة بساعد ماما فى شغل البيت مش احسن منك قاعدة كدا من غير شغلة ولا مشغلة منار .... انتى يابت لمى لسانك احسن ما اقطعهولك والله مى .... ولا تقدرى تقربيلى منار .... مااما يا ماما بسمة .... نعم فى ايه يا منار منار ... شايفة البنت دى عمال تزعق ومش راضية تغسلى هدومى بسمة .... ليه يا ست مى مش عايزة تغسليلها هدومها مى .... وانا اغسلها هدومها ليه انا مالى بسمة ... ازاى انتى مالك يعنى انتى خدامة هنا مى .... انا بخدمك انتى وبابا اه بس هى لا تخدم نفسها بسمة ... لا ياروحى الخدامة بتخدم الكل وهتخدمي كل فرد فى البيت ده مى ..... ماما لا انا مش هعمل كدا بسمة .... هتعملى يا مى ورجلك فوق رقبك يا مى فاهمة ومش بحب اكرر كلامى مرتين فاهمة وانتى عارفة ممكن اعمل ايه يا مى مى .... حاضر حاضر هغسلهم طيب بسمة .... ايوة كدا اعدلى ما كان من الاول ليه بس الفرهدة والتعب ده ....... فى مساء هذا اليوم مى جالسة تبكى وحيدة تبكى على حالها امل ... مى مالك بتبكى ليه مى .... لا مفيش حاجة امل ... مفيش حاجة ازاى وبتبكى مى ... مفيش صدقينى مصدعة بس شوية ف عينى دمعت امل ... انا عارفة انتى بتبكى ليه مى .... يابنتى مفيش حاجة عشان ابكى اصلا امل .... بسبب اللى بيحصل فيكى ده هو فعلا حاجة تبكى مى .... بيحصل فى ايه مش فاهمة امل ... بصي ياستى انا صح اصغر منك بس والله بفهم فاهمة كل حاجة صح انتى مش اختنا بس اترييتى معانا والمفروض نحبك وتبقى واحدة مننا بس احنا بيحصل ع** كدا خالص بقيتى خدامة عندنا من صغرك وانتى واحدة قلبها طيب مش بترضى تعملى حاجة بتخافى من بابا وماما جامد بس بتشتغلى فى البيت ده من صغرك واحنا قاعدين كدا وبس مش بنعمل اي حاجة مى .... ده نصيبى مش هقدر اغيره هعمل ايه طيب امل .... انا والله لولا كمان انى بخاف منهم كنت عملت معاكى بس خايفة ليضربونى مى .... انتى طيبة قوى يا امل امل ... مش قوى يعنى انا كنت بحقد عليكى بصراحة لما تكونى معاية فى المدرسة وتجيبى مجموع اعلى منى انا اللى كنت بخلى ماما تمنعك من المذاكرة عشان مش تجيبى اعلى منى وبردوا كنتى بتذاكرى ازاى معرفش مى ..... طيب انتى مش بتذاكرى ليه امل .... انا مش غاوية تعليم يا شيخة هيجى يوم هنخدم هنا فى العمارة يا اما هنتجوز مفيش فى بالى تعليم خالص مى ... هههه متخفيش انا موجودة انتى مش هتخدمى هنا انا خدامة العمارة دى امل .... امممم بس هيجى يوم وهتمشي مى .... همشي ازاى مش فاهمة امل ... يا اما هتجوزى او هتمشي هتلاقى عيلتك اكيد ربنا مش هيسيبك هنا علطول واكيد ربنا هياخدلك حقكك وهتعيشي حياتك بعد كدا مى .... اللهم امين يارب يارب يا شيخة امل .... والله ربنا مش هيسيبك يا مى انتى واحدة طيبة وتستاهلى كل خير مى ... يارب ... شكرا يا امل امل .... على ايه مى ... انك طمنتينى امل ... بردوا انتى اختى مهما قالوا الوحوش اللى جوة دول مى .... ههههههه .... مين اللى وحوش امل .... ممدوح يا شيخ خضتنى ممدوح .... يلا يا جبانة مش كد الكلمة بتقوليها ليه امل .... ياعم انت مالك ممدوح .... ما اهو انتى مش بتقدرى غير عليا انا وبس امل .... بس يا بارد انت مالك بردوا ممدوح ... انتى واحدة باردة وجبانة جبانة جبانة امل ... خلاص يا بارد خلاص عرفنا انى واحدة جبانة فى ايه تانى مى .... جبانة اه بس اكتر واحدة قلبها ابيض زى التلج ممدوح .... هى قلبها ابيض اه بس مش زى التلج فيها سواد من جوة بردوا مى .... لا لا حرام عليك ده حتة سكرة ممدوح .... اه حتة سكرة سكر اصفر مش ابيض سكر وحش مى ... المهم انها سكرة وطعمها حلو ممدوح ... اتفق معاكى فى الحتة دى مش بحب اكدب بصراحة امل ... خلاص بقى يا جماعة بتكثف اللاه مش كدا ممدوح .... بتتكثفى يا قطة ياختى كميلة امل .... ياعم انت مالك ممدوح .... قطة لسانها طويل وعايز قطعه امل .... ياعم انت مالك احنا بنات مع بعضنا وبنتكلم انت ايه دخلك ممدوح .... عادى قاعد مع اخواتى انتى مالك امل .... ايه اللماضة دى يا واد ما بارد صح ممدوح .... محدش بارد غيرك مى .... خلاص يا جماعة صدعتونى والله مش كدا ممدوح .... سكتيها هى الاول واحدة باردة ولسانها طويل مى .... ايوة صح يا امل كفاية كدا بقى امل .... خلاص سكتنا اهو مى .... الله على شكل الهدوء حلو كدا خليكم كدا ممدوح .... هو الهدوء ليه شكل امل ... ده تعبير بيتقال كدا بس عادى يعنى انت مش هتفهم عشان انت مش بتفهم ممدوح ... انا اللى مش بفهم ولا انتى انتى اكتر واحدة عقلها مش موجود اصلا مى .... بو هتبدأوا تانى انا قايمة انام حرام عليكم بقى مش كدا ممدوح .... خودنى معاكى انا مش عايز اقعد مع واحدة عديمة الفهم امل .... لا انا اللى خودينى معاكى مش عايزة اقعد مع واحد شايف نفسه ومتكبر مى .... بس بس انا همشي لوحدى هروح انام ايه ده حرام عليكم مش كدا علطول خناق خناق صدعتونى والله مش كدا تصبحوا على خير ممدوح + امل .... وانتى من اهل الخير يارب ............................ ذكى .... بسمة بسمة بسمة بسمة .... ايوة يا ذكى نعم خير فى حاجة ذكى .... فين مى بسمة .... انتى يابت يا مى مى مى .... ايوة يا ماما قصدى يا مدام بسمة .... مش كل مرة هتغلطى اظبطى نفسك وفكرى قبل ما تكلمى مى .... حاضر يا مدام ذكى .... مش وقته ده يا بسمة خلينا فى المهم بسمة .... اللى هو ايه المهم ده يا ذكى ذكى ....مبروك يا مى جالك عريس بسمة ... عريس ازاى مش بنتك منار اولى بالعريس ذكى .... ده راجل فقير وعلى كد حاله بنتى مش من مقامه بسمة ... اه ذكى .... واحنا دفعنا فلوس للراجل عشان يتجوزها من غير اى جهاز ولا اى حاجة مى .... طيب ليه كدا ذكى ... تعبنا منك مش عايزينك خلاص مى .... لو سمحت لا انا مش عايزة اتجوز دلوقتى ذكى ... انتى ملكيش راى عشان تقولى عايزة ولا مش عايزة احنا بس اللى هنقرر مى .... دى حياتى وانا حرة فيها ذكى ... بس اسكتى حرة على نفسك وهتتجوزى يعنى هتجوزى مى ..... حرام عليك انت بتعمل فيا كدا ليه انا عملت ايه بس ذكى .... تحرم عليكى عيشتك مفيش كلام بعد كلمتى خلاص انا قولت وانتى هتوافقى خلصنا على كدا مى .... طيب انا جايبة مجموع كويس فى الثانوية العامة وعايزة اكمل تعليمى بسمة .... تعليم ايه يا ام تعليم بس اتو**ي كفايكى كدا مفيش كليات مى .... طيب مشمعنى منار دخلت كلية وكملت بسمة .... انتى عايزة تقارنى نفسك ببنتى مى .... يعنى بنت دكتورة ولا مهندسة دى دخلت معهد حتى ذكى .... بت لمى لسانك ده احسن ما اقعهولك بسمة ... وماله المعهد ياختى احسن منك ومن الكلية اللى عايزة تدخليها مى ..... انا مجموعى عالى ويجيب كلية علاج طبيعى يعنى هبقى دكتورة بسمة .... اه هتموتى الناس مى .... انتوا غيرانين منى عشان انا جبت مجموع عالى وامل سقطت وهتعيد السنة ذكى .... لا انتى زودتيها قوى معاكى ( ضربها بالقلم ) ..... ادخلى على اوضك اياكى اشوف وشك ده لحد ما يجى ياخدك ربنا ياخدك قبله مى .... ربنا هيحاسبكم على ظلمكم ده انتوا ايه مش بنادمين حرام عليكم بسمة .... لسانك طويل وعايز قصه روحى ابت على اوضتك شوفى نفسك فى المراية اذا كان ابوكى وامك رموكى والله اعلم بنت ابوكى ولا بنت حد تانى مى .... بس كفاية لحد انا مسمحلكيش تغلطى فى عيلتى تانى فاهمة بسمة .... وه وه ما تيجى تدينى قلمين احسن مالك ابت ما تتعدلى لاجى اعدلك ذكى .... وبعدين مين عيلتك اللى بدافعى عنهم دول تعرفيهم من فين عشان تدافعى عنهم يا هبلة انتى مى .... الله اعلم ظروفهم ايه وايه اللى خلاهم يعملوا فيا كدا اكيد فى سبب وسبب كبير محدش بيسيب عياله فى الشارع كدا بدون سبب بسمة .... والسبب انك طلعتى بنت حرام مى .... حرام عليكم انتوا كفاية بقى مش انا اللى ربتونى مين قالكم خودنى من قدام باب البيت ما دام هتعموا فيا كدا ذكى .... اخدناكى عشان الفلوس اللى كانت تيجى من وراكى وبعد كدا اتلبسنا فيكى بسمة .... كان يوم اسود يوم ما فاكرنا ناخدك اصلا كنا هنرميكى وملناش دعوة بيكى مى ببكاء .... ياريتكم رموتونى ياريت والله ده انا لو كنت مت كان افضل من العيشة دى عذاب ومرمطة من اول ما وعيت على الدنيا ولا كنتوا بترحموا انى بنت ولا انى طفلة ولا لما اكون تعبانة انتوا مفيش فى قلوبكم رحمة اصلا ده انا قاعدة هنا ليا عشرين سنة مفيش حد فيكم على مرة قالى كلمة حلوة حتى ولا جابلى حاجة مفيش مرة اعتبرتونى بنتكم فيها ربتونى السنين دى كلها ومش حبتونى خالص ليه كدا بسمة .... خلصتى كلامك خلصتى ام المسلسل الهندى اللى عملاها ده يلا غورى على الاوضة مى .... لا انا مش هقعد لحظة فى البيت ده تانى ذكى ... كنت مستنى اسمع الكلمة دى من زمان عشان اقولك غورى بس لا دلوقتى لا خلاص مينفعش تمشي ده انا دافع للراجل فلوس عشان يتجوزك مينفعش تمشي من هنا والفلوس تروح من هنا على الفاضى كدا مى ببكاء .... طيب مش كان المفروض هو اللى هيدفع فلوس عشان ياخدنى على الاقل اهو تستفادوا منى فى حاجة بسمة .... ومن امتى بيجى منك فايدة انتى انتى عبارة عن خساير وبس لينا هنعمل ايه نصيبنا الاسود مى .... خلاص بقى هى خلصت على كدا انا مش هقعد فى البيت ثانية واحدة بعد كدا واتجهت مى الى باب المنزل كى تخرج ولكن ذكى مسكها من شعرها ووضعها فى غرفتها وقفل الباب بالمفتاح عليها وهى تبكى وتصرخ ذكى .... محدش يجى ناحية الباب ده ولا تدولها اكل ولا مياه ولا اى حاجة فاهمين واللى هيعمل كدا حسابه شديد معاية فاهمين بقيت مى وحيدة فى غرفتها تبكى وتصرخ فقط كل يوم يضعون لها وجبة واحدة مع كوب ماء واحد فقط وهى تبكى وتصرخ ولا احد يسأل عنها ويتظاهرون انهم لا يسمعوها وفضلت على هذا الحال اسبوع كامل ...