NAKADUNGAW sa Teresa si Thea at nakatingin sa malawak na taniman ng bulaklak sa likod ng bahay-bakasyunan ni Klint habang sumisimsim ang kape. Naroon sila ni Klint sa vacation house nito at ang tinitingnan niyang taniman ng bulaklak ay pag-aari ng kalapit-bahay nila na si Mr. Sato, ang ninong ni Klint.
Tamang-tama lang ang pagbabakasyon nila dahil nagbakasyon din si Tito Sato at ang asawa nito na si Tita Fe sa Baguio. Nakita niyang bakas sa mukha ni Klint ang kasayahan ng makita ang ninong nito na ilang taon din nitong hindi nakita.
"Enjoying the scenery?" Anang boses ni Klint mula sa likuran niya.
Sumimsim siya ng kape. "Yeah. Napakaganda rito. Very relaxing. Nakakawala ng Stress."
Tumabi ito ng tayo sa kanya at inilagay ang mga braso sa barandilya ng teresa. "Naaalala mo ba nuong sin
