ISANG LINGGO na simula ng magtapat sa kanya si Matt, isang linggo na rin na hindi ito pumapasok. Hindi niya alam kung nasaan ito o kung ano ang ginagawa nito. Hindi niya maiwasang mag-alala baka napaano na ito pero pinipigilan niya ang sarili. Matanda na ito. Alam na nito ang tama sa mali.
Sumandal si Thea sa kinauupuan, ilang minuto lang ang lumipas tumunog ang cell phone niya. Nang tingnan niya kung sino ang tumatawag, nakaramdam siya ng pagkadismaya. Umaasa siya na tatawag si Matt. Pero bakit pa ito tatawag? Pagkatapos ng nangyari sa kanila. Wala na itong dahilan para tumawag pa.
"Hello, Leo." Bati niya sa ex-boyfriend niya na nasa kabilang linya. "Bakit ka napatawag at paano mo nalaman ang number ko?" Walang buhay na tanong niya rito.
"Nakuha ko ang number mo kay Thena ng magkita ka
