TEN
“Akala ko ba busy ka? Ba’t mo ako pinapunta rito?” tanong ni Gab sa kanyamg kaharap na tila abalang-abala sa laptop nito.
Hindi ito sumagot. Ni kahit isang tingin ay hindi man lang siya nito tinapunan. Napabuga na lamang siya ng hangin. Nilibot niya ang kanyang tingin sa mamahaling resto na kanilang pinasukan. Dito sila unang nagkita. May mga sariling buhay ang mga tao rito. Sabagay, lumaki ito sa ginto. Mag-aaksaya pa ba sila ng oras ng ibang tao? Kase kung oo, baka napag-usapan na siya ng mga ’to. Lalo na’t Attorney Molina lang naman ang nasa harap niya.
Naiinip na siya. Mula pagkarating niya ay hindi na ito kumikibo sa kanya. Ni kahit pag-order nga lang ay hindi siya nito pinansin. Hindi man lang siya nito tinanong kung ano ang gusto niya. Paano kung hindi niya pala type
