CHAPTER FORTY-NINE
AFTER FIVE DAYS
WALA sa sariling inilapag ni Gab ang kanyang chart sa bar. Kasabay ng kanyang pagbuga ng hangin at paghilot sa kanyang sentido. Alam niyang pansin na ng kanyang mga kasamahan ang kanyang pagka-wala sa mood. Mula nong mangyari ang gulo sa harap ng hospital.
Alam naman ng mga ito ang nangyari. Pero wala ni isa sa mga ito ang nagtangkang magtanong sa kanya.
Nakita niya sa kanyang peripheral sight ang kamay na may hawak na burger na tila inaabot sa kanya. Umangat siya ng tingin. Si Mark ito at nakangiti ito sa kanya.
"Tanggapin mo na," aniya nito na kinuha pa ang kanyang kamay para ilagay ito sa kanyang palad.
Tipid siyang ngumiti rito, "Salamat."
Sumandig ito sa bar ng nurse station.
"Ilang araw ko nang napapansin na hindi ka kumakain ng lunch.
