"RALPH?"
Nilibot niya na ang buong villa subalit wala na naman siyang naabutan maski ang rebulto nito. Sa tuwing na lamang na magigising siya, e, parati na lang itong wala.
Tiningnan niya ang malaking wall clock. Five-thirty na ng hapon. Buong araw rin siyang nakatulog. Wala na rin siyang lagnat at wala na siyang nararamdamang pananakit ng ulo. Naalala niya, ginising siya ng binata para uminom ng gamot pagkatapos ay natulog siyang muli.
Nilibot niya ang buong villa ngunit hindi niya ito nahagilap. At ngayon ay nasa pinto siya ng kwarto ng binata. Kumatok siya rito at naghintay na buksan ito. Subalit walang nagbukas sa kanya.
"Ralph? Nandiyan ka ba?" Tawag niya rito. Nilapit niya ang kanyang tenga nang sa gayon marinig niya ito. Subalit wala siyang narinig na tugon sa loob ng kwartong
