HONEY
“I'm sorry to ask you about this, hija. Katulad ng sinabi ni Kent na walang kayo, paanong nangyaring may naganap sa inyo sa Hotel na 'yon?”..
Natigil ang paghigop ko ng kape. Medyo nagulat ako sa tanong na iyon mula sa mommy ni Kent. Pakiramdam ko isa akong kandilang unti-unting nauupos dahil sa sobrang hiya.
Ilang segundong naumid ang aking dila at hindi ako nakasagot sa kan'yang tanong. Paano ko ba ipapaliwanag sa kanya ang lahat? Pasimple kong iginala ang tingin ko sa paligid. Walang ibang tao kundi kami lang dalawa.
“At may tanong pa ako sa'yo, saan kayo nagpunta ni Kent kagabi at bakit pareho kayong nawala?”
Mas lalo akong nilamon ng labis na hiya. Dalangin ko sana na bumuka ang lupa at lamunin ako n'yon.
“Ahmm… Ano po ka…”
“Mom! You're here!”
Nakahinga ako ng maluwag n
