“Bakit ikaw ang sasama kay Eva? Ako na ang sasama sa kanya sa mall. Alagaan mo ‘yang anak mo!” sigaw ni Ali.
Umagang-umaga ay nagising ako dahil sa bangayan nila Ali at Elianna. Feeling ko ay nasa sala sila at nag-uusap doon. Isang palapag lang ang bahay at ang kwarto ay hindi kalakihan nasa likod lang ng sala kaya naman rinig na rinig kapag may nag-iingay sa labas.
Naulinagan kong iniinggit ni Elianna si Ali dahil sinabihan ko nga ito kagabi na samahan niya ako sa mall. Of course, I will treat her automatically kaya siguro ganoon na lang ang pagkagusto ni Ali na siya ang sumama sa akin. Malakas mang-asar si Elianna kaya alam kong marami na itong bagay na nasabi na ika-iinggit ng pikon na si Ali.
“Ako ang sinabihan kaya ako ang kasama niya. Saka anong alam mo sa bibilhin niya. Girl’s
