Ang ipinakita sa akin ni Emily, iyong nangyari sa coffee shop. Iyong scene na hinawakan ni Hanz ang kamay ko at mayroon siyang picture. Paano siya nagkaroon ng kopya kung hindi naman ito kumalat sa social media?
“Paano ka nagkaroon nito?” nagtatakang tanong ko. Umupo na rin ako sa sofa para mas makapag-usap kami ng maayos. “Nakita rin ba ito ni Harold?” dagdag ko. Pinagmasdan ko siya at hinintay na magsalita.
“Yes,” sagot niya. “Kaya siya parang wala sa sarili noong nakaraang araw dahil diyan. Hindi ko rin alam kung ano ang tumatakbo sa utak niya, pero noon ko lang nakita ang pinsan ko na ganoon.” Nakaramdam ako ng hiya para sa sarili ko. Hindi ko man lang napansin na nasasaktan ko na pala si Harold na ang tanging ginawa lang nama’y mahalin ako.
“B-bakit ka may kopya nito? Wala naman i
