"Apo, hija, saan mo ba nakilala si Daniela?" tanong sa kaniya ng kaniyang lola.
Nasa kwarto sila ngayon at naghahanda na sila sa pagtulog. Alas-8 na ng gabi, maaga silang nagpapahinga dahil may pasok pa siya kinabukasan, at ayaw rin niyang nagpupuyat ang lola niya. Mahaba-habang biyahe na naman siya. Alas-8 ng umaga ang pasok niya hanggang alas-8 ng gabi. Taxi driver siya sa isang mayamang pamilya ni Sam, na kaibigan niya. Ang SANTOS TAXI DRIVING COMPANY.
"Bakit niyo po naitanong, Lola?" balik-tanong niya sa kaniyang lola habang nakaupo siya sa kaniyang kama, at ang lola naman niya ay nakahiga patagilid habang tinitingnan siya nito.
Iisa lang kasi ang kwarto ng tinitirhan nila ng lola niya at dalawa lang naman sila sa kwartong iyon. May dalawang kama, tig-isa sila ng lola niya, parehong
