لاتستفزي رجولتي

?هدوء ماقبل العاصفة? كانت ناعسة وخاشية راسعا تحت لمخدة ومعصبة مامخلينهاش تنعس بغواتهم ناضت كتجري طلات من الشرجم لي كيطل على زنقى دلات راسها من شجرم وهي كتغوت:صبحنا على الله تحركي قودي نتي وياها من حدا لباب ماجاكم دباز غير متحت الشرجم ديالي  شافو فيها دوك لعيالات:شمن صباح راه 12 ونص هادي خنزرات فيها شوية وتلاح عليها من شرجم:شوفي نتي يا داك لقح.. راني كنجمع ليك راه نهار انشدك ماغنخلي فيك غا لبقات هضرتك كتوصلني  لمرة كض*ب فص*رها:الله يا بنيتي وتيقتيهم عارفاني انهضر فيك اطااهرة  طاهرة:دابة تحركو بعدو من لباب ولا انزل نفرع شي وحدة فيكم  مشاو كيطيرو عارفينها علاياش قادة وايلا قالتها راه ديرها  يلاه اتشد الشرجم وهي تشوف ختها جايا كت**ول هي وصاحبته اطلات عليها:عاااد.جايا اسوبيسة ليوم كتخرجي مع ل11 ليلى من لتحت:ض*بت دوورة انا ولبنت شنو فيها  طاهرة شافت فصاحبتها:نتي نعاود نشوفك معاها نخلا دار عشتك سمعتيني  لبنت:مال ختك معايا  ليلى:ماديش عليها طاهرة:مزال واقفة تحركي سيري بحالك كتجمعو غا على تقحبين  مشات وهي كتعفط فجلايلها طاهرة:طلعي نتي نتفاهمو  ليلى دفعات لباب برجليها لي في من لقزدير دغيى كيتحل هدشي لا ماطاحش طلعات ودخلات لدار وهي كتمسح فعكار طاهرة واقفة وكتشوف فيها:راني شتك شهاد لخصايل واش كتقلبي على شي قتلة فين كنتو ليلى:قلت ليك جبنة ضورة وجينا طاهرة:اجي قربي لهنا ليلى كترجع بلور :علاش طاهرة طارت عليها وجراتها لعندها وهي كتشم فيها"ريحة دلكاارو يا لقحبة شحال من مرة خاص نهضر معاك تبعدي من هاد لوسخ ليلى كتحال تفك يديها :وراه ماشي انا راه لبنت  طاهرة شداتها من شعرها وبدات تدي وتجيب فيها:ياك كنقولك داك لمسخة بعدي منها كاديري لع** زعمة ليلى :واااخة راه غير تلاقيتها حدا لباب دلمدراسة راه من داك نهار ما تلاقينا طاهرة :لا لا نتي خرجو رجليك لشواري من لمزيان غنمشي لداك لمدراسة نشوف شكا ديري  ليلى:وداابة رخي مني اتخسري لي شعري لي من صباح وانا نبلاكيه  طاهرة رخات منها:برهووشة لوخرا  ليلى كتقاد فشعرها:18 لعاام شمن برهوشة الخراا طاهرة:تحركي سيري جيبي لخبز من لحانوت براكة من لهضرة شوفي راه مزال ماسالينا  ليلى :ياك ديما كنجيب النقطة لاش اتمشي لمدراسة  طااهرة:غنمشي نشووف لغياااب  ليلى :ماسوقكش فالغياب ياك بغيتيني نشد لباك راه غنشدووو  طاهرة طارت عليها تاني وشداتها من شعرها:بربي ونلقى شي ساعة دلغياب ياتا نريشك قداامهم تماك فلمدرسة وندير ليك ااش*هة  ليلى:اااي قصحتيني  طاهرة رخات منها:تحركي من وجهي دابة ليلى:اري لفلوس  طاهرة حلات ساكها:هاكي وردي الصرف  ليلى:هاااء 20 درهم ونرد الصرف راه قالينا ساد نجيبو لفلوس على قبل نطبعو شي وراق دلمتيحانات راه قرب لوطني  طاهرة:هاد لقوالب دنم حفضتهم بلا ماتبقاي تفرعيلي راسي بيهم  ليلى وهي كتحل لباب باش تمشي:هاني مشيت  طاهرة دخلات لكوزينة تشوف لفطور لقات براد.داتاي سخناته حلات تلاجة جبدات بكية دلفروماج لقات غير جوج حبات تسالات لبكية دارت زيت فغطار وحطات داكشي فوق الطبلة دخلات غسلات وجهها وجلسات تسناها حتى كتشوفها داخلة:ساعة باش تجيبي لخبز كتمشي ض*بي دورة على الحومة كاملة عاد كتجي ليلى وهي كتجلس:وصافي ملي كتفيقي ونتي كتنكري  طاهرة:ايوا الله يعميها ليك ..بعدة داك زامل فين هو  ليلى:ماباتش فدار واقلة  طاهرة:يعطيه غبارة دا ليا 100 درهم من ساك وجلسو يفطرو حتى كيشوفوه داخل وكيميل جايب لكاو  ليلى وهي كتكب اتاي:دكر لمش ووجد لهراوة  محجوب جلس:كبي اتاي  ليلى:كب راسك  محجوب كيشوف فطاهرة:زين دلعلام شي 100 درهم بروجولة  طاهرة:قوود 100 درهم لي ديتي من ساك محجوب:مشااات باااح طاهرة:ايوااا سير تنعس لفلووس بااااح محجوب:راه مشات لي فلقمر  طاهرة:وي ليييييك على صباح بعد مني فلوسي كلها مشات عليكم بجوج  ليلى:وانا مالي ياك قلت ليك نخدم فصيف ما بغتيش  طاهرة:حيت نتي متبتة ومرزنة ناقصاك غير لخدمة  ليلى كتشرب فتاي:ايوا ماتبقايش تنكري  محجوب:دابة اتعطيني ولا لا طاهرة:ماغنعطيكش محجوب:وانوضي قودي نتي وختك عليا من داري شوفو فين تجلسو  ليلى:بدينا فنفس لموال  طاهرة جبدات ميات درهم ولاحتها عليه:تولي تجي تطلب لفلوس نخسر ليك داك لكمارة  محجوب وهو كيشوف ف100 درهم وكتبان ليه غا قرعة دروج:لي مصبرني عليكم هي هاد 100 درهم طاهرة:ماغتمشيش داك لخدمة لي ضبرت ليك عليها نحجوب ناض باش يخرج:دابا نمشي تا لعسة مزيانة  وخرج  ليلى:اوووف على عيشة كرينا فشي بلاصة غير انا وياك طاهرة:سهلتي لكرة حساب ليك كنتخلص بلملاين راه يلاه كنجيب لمصروف  ليلى:خرااا دابة مزال مارسموك مزالة سطاج طاهرة:ااه ماغيرسموني تنحماق تاداك لبوتيك لي مقابلة غيشد خاص نضبر على خدمة  ليلى كتلعب فطيليفون وفنفس لوقت كتهضر مع ختها:ايوا الله يعطينا شي راجل بحال هذا زوين وشخصية ولابااس عليه  طاهرة:شمن راجل  ليلى قلبات طليفون لوجهاا:نااصر الزعيم ومن لا يعرفووه طاهرة بقات كتشوف فيه بصاح زوين وكيبان شخصية وعنده هيبة على وجهو ماعرفاتش لاش جاها واحد الاحساس غريب دغيى نفضات راسها :ايوا بحال هادو كيشوفو غا مع جنابهم نتي قابلي قرايتك وديها فراسك  ليلى وهي كتشوف فيه:اااااح قلبي كيحمقني راه خطب وقريب ايدير حفلة دلخطوبة  طاهرة:خسارة ماغيعردوكش ليلى:دمك بارد داي وحدة صفريطة زعرة من نفس الطبقة ديالو باها لاباس عليه  طاهرة:ايوا قوليها راسك لاش معمرة راسك بيه  ليلى:راه كلشي كيهضر عليه لبنات غيتسطاو عليه واش كتعرفي شنو معنة انكي تزوجي بناصر الزعيم راه بحاليلا دخلتي لجنة برجليك راه ملياردير ماكيمشيش على رجليه كل مرة طموبيل فشكل كتحزززق وعاد لخاريج عنده بحال من لهنا لراس ض*ب وعاد بوقووووس كيحمق  طاهرة:نوضي نجمعو دار وخوي راسك من هدشي  ليلى:راه اندخل مع جوج ماغيقدنيش لوقت  طاهرة:نوضي بعدة جمعي غا طبلة  ليلى:واخة  بل**ن طاهرة:هدي هي العشة لي عايشة انا وختي دزفت لغقر صعيب فهاد الزمان خاص تكون كابابل باش تقدر تعيش وسط دياب ولحمير حشاكم انا الحمد الله كنخدم ونجيبها على دراعي واخة جاوني عروض باش نجيبها ساهلة زعمة نفسد ونولي ع***ة هدشي باش كيخرجو على بنادم كيبينولو ان الفساد هو لحل المناسيب وساهل باش دخل لعاقة ولكن انا ماشي دمدومة تا لهاذ دراجة باش يلعبو علياا مخدمة دماغي ومستحيل تمشي فداك الطريق واخة نعرف نسعى فزنقة قريت فالفنداقة وشديت ديبلوم وانا دابة كنسطاجي فواحد الاوطيل سانك ايطوال مولاه لابااس عليه كنت كنشوفو غير فالجرائد ودابة كتابلي نخدم فيه ولاد لكلاب هدي شهراين وانا نسطاجي مزال مابغاو يرسموني واخة عارفة راسي مزيانة فهاد الدومين ولكن نصبر ماشي مشكيل المهيم فاالي غيرسموني عارفاهم مايقدوش يص*روني  دابة كنخدم فواحد البوتيك بيه جايبة شوية دلمصروف لدار ولكن غيشدوه تفو على زهر ...انا زوينة كلشي كاين لفورمو ولوجه وجميع لمتطلبات الانتوية فيا هدشي جابدلي مشكيل فزنقة وفالخدمة ضاروري مانسب فنهار شي زامل وسميتي طااهرة لواليدة الله يهديها سماتني على سمية جدة لعمر ديالي 21 سنة ..انا من نوع لي طبعي صعيب ع**دة لواحد.دراجة كبيرة ماكنخافش واخة نشوف لموت بعيني شغا ندير لوقت بغاتني نكون هكا خصوصا واني عايشة انا وختي مع راجل ماما الله يرحمها ماتت هدي 3 سنين وخلاتنا مع هاد لحنطور زلايلي وعنيه زايغة ديما كيبغي يتقرب مني ولكن ماتخافوش كنعطيه علاياش يقلب المشكلة هاذ الخربة مكتوبة بسميتو وخاص نصبرو علامن يرسموني ونتلاح انا ومصيبتي نكرييو ..نخليكم تابعني شغال ومع دابة وليت نخدم بالليل فلوطيل ...