LUMILIPAD ang utak ni Isla, ilang araw na ang nakakaraan simula noong may nangyaring kakaiba sa kanya sa elevator kasama ang dean ng kanilang department at si Doctor Reial. Pilit niyang pinagtutugma ang mga pangyayari pero tila may malaking tipak ng kanyang alaala na hindi niya mahanap.
Nasapo ni Isla ang kanyang ulo.
“Everything is weird.” Nanghihinang usal niya, hindi niya alam kung bakit may mga bagay siyang hindi maalala. Napapansin na niya ito, lately ay iyon ang nangyayari sa kanya. May mga instances din na napapatanga siya tapos kapag bumabalik sa normal ang takbo ng kanyang utak ay nakakalimutan niya ang kung anuman ang tumatakbo sa utak niya ilang minuto na ang nakakaraan.
“Isla?” napakurap siya nang marinig ang boses ni Caius. N
