NAKAGAT ni Pepper ang pang-ibabang labi habang tinititigan ang nakasaradong pintuan ng kanyang condo unit. Palabas na sana siya para sa kanyang pre-natal check-up nang bago pa man niya mabuksan ang pintuan ay may kumatok na. Mabuti nalang at sumilip muna siya sa peephole dahil kapag nagkataon ay hindi niya alam kung paano tatakasan na naman si Sol… si Travis.
Nagawa niyang maging sibil at magpanggap na hindi ito kilala sa harap ng kanyang kaibigan dahil alam niyang wala itong gagawin na hindi niya magugustuhan sa harap ng kanilang kasama. Alam din niya na tulad niya ay nagulat ang lalaki nang makita siya, sino ba ang hindi? Masyadong maliit ang mundo nilang dalawa.
Ilang araw na rin itong bumibisita sa kanyang condo unit kaya sobrang aga niyang umalis
