EPISODE 6
SHE’S BACK
LARA LAUREEN’S POINT OF VIEW.
MASAYANG masaya si Mommy nang sabihin ko sa kanyang uuwi kami ni Ambrose sa Pilipinas. Muli niyang sinabi sa akin ang tungkol sa dati naming bahay na nakapangalan na ngayon kay Adler. Wala akong plano para puntahan si Adler at maki-usap na ibigay ulit sa amin ang aming bahay at ipangalan ulit ito sa mga Montenegro. Pero para sa ikinatatahimik ng aking ina ay sinabi ko na lang sa kanya na susubukan ko pero hindi ako sigurado, ang kulit kasi ni Mommy.
“Mommy Lara, kapag po ba nasa Philippines na tayo, pupuntahan po ba natin sila Matt?” tanong sa akin ni Ambrose.
Nakasakay na kami ngayon sa eroplano at nasa kabilang side na rin dito sa aming pwesto ang mag-asawang Danica at Steven. Pareho silang natutulog kaya mahina lang ang boses namin
