Carlo’s POV
Nauna nang pumasok si Nianna sa akin ngayong umaga.
Pero pagkapasok ko pa lang ng pinto, isang malaking bouquet ng bulaklak agad ang napansin ko na nakapatong sa table niya.
"Good morning, Sir!" masiglang bati niya sa akin nang makita ako. Ang ganda ng ngiti niya, halatang maganda ang gising ng babaeng 'to.
Bigla kong itinuro ang table niya gamit ang nguso ko. "Bakit may bulaklak diyan?"
"Ah, ito po ba? Binigay po sa akin ni Kevin," sagot niya, sabay sulyap sa bouquet na tila ba nahihiya na ewan.
"Really?" Ramdam ko ang kaunting pagbabago sa tono ng boses ko, parang biglang naging flat. "Baka may gusto siya sa 'yo."
Sinabi ko 'yun sa kaswal na paraan, pero sa totoo lang, may kaunting bigat sa dibdib ko—isang kurot ng selos na pilit kong itinatanggi sa sarili ko. Ano bang
