Nianna’s POV
Nandito na ako sa loob ng unit ko. Sobrang nakakapagod ang araw na ito, lalo na't galing pa kami sa ospital at kung anu-anong kakaibang pakiramdam ang dumaan sa katawan ko.
Gustong-gusto ko nang humiga at matulog, pero mas nangingibabaw pa rin talaga ang matinding katakawan ko ngayon. Mas gusto kong unahin muna ang pagkain sa natitirang mangga na inuwi ko. Gaya kanina sa kotse ni Boss Carlo, hinugasan ko lang ito nang mabilis. Mas gusto ko talagang kagatin at kainin nang buo nang hindi man lang hinihiwa o binabalatan.
Habang sarap na sarap ako sa pagngatngat, napatigil ako nang bahagya. Bigla kong naalala ang kalendaryo ko.
Teka... parang na-delay yata ang period ko ng tatlong araw?
Awtomatikong pumasok ang matinding kaba sa dibdib ko. Biglang bumilis ang t***k ng puso ko
